Назваць апошнія прозвішчы даручылі таксама Раману Пратасевічу.
Былі названыя 12 прозвішчаў, адно з якіх — гомельскага журналіста Андрэя Толчына, — было ўжо вядомае з іншых крыніц раней. Іншыя 11:
Дзмітрый Лагуценка. Яму 30 гадоў, затрыманы 4 студзеня 2023 года. Асуджаны 19 чэрвеня 2023 года па ч. 1 арт. 130 КК (распальванне іншай сацыяльнай варожасці) і ч. 1 арт. 368 КК (абраза Лукашэнкі), вынесены прысуд быў невядомы.
Андрэй Ігнатовіч. Яму 35 гадоў, жыхар Салігорска. Асуджаны 24 кастрычніка 2023 года Гомельскім абласным судом да 2 гадоў калоніі агульнага рэжыму па арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх і арт. 130 (распальванне варожасці ці варажнечы).
Дзмітрый Утоўка. Яму 45 гадоў, затрыманы 20 красавіка 2023 года, асуджаны па трох артыкулах за абразы Лукашэнкі, прадстаўніка ўлады і суддзі. Які прысуд быў вынесены, заставалася невядомым. Палітвязень меў інваліднасць па слыху.
Віталь Цыдзік. Яму 39 гадоў, затрыманы 15 жніўня 2023 года. Асуджаны па арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх), арт. 368 (абраза Лукашэнкі), арт. 130 (распальванне варожасці ці варажнечы). Дакладны прысуд невядомы.
Канстанцін Саламіюк. Яму 41 год, затрыманы 30 кастрычніка 2020 года. Асуджаны на 2 гады за абразу Лукашэнкі.
Віталь Юрэня. Яму 28 гадоў, выпускнік Ліцэя БДУ. Затрыманы 12 мая 2023 года за данаты, асуджаны на 3 гады калоніі агульнага рэжыму.
Сяргей Мардзіловіч. Яму 47 гадоў, затрыманы 11 кастрычніка 2022 года. Асуджаны па трох артыкулах за абразы Лукашэнкі, прадстаўніка ўлады і суддзі. Які прысуд быў вынесены, заставалася невядомым.
Сяргей Фісюк. Яму 61 год, затрыманы 30 верасня 2021 года. Асуджаны на 3 гады пазбаўлення волі па «справе Зельцэра».
Аляксандр Бараноўскі. Яму 39 гадоў, затрыманы 2 верасня 2023 года за данаты. Прысуд — пазбаўленне волі на тэрмін 5 гадоў з адбываннем у папраўчай калоніі ва ўмовах узмоцненага рэжыму.
Ірына Гарачкіна. Ёй 48 гадоў, затрыманая 1 снежня 2020 года. Была асуджаная на 6 гадоў пазбаўлення волі ў калоніі ва ўмовах агульнага рэжыму па арт. 295 Крымінальнага кодэкса (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Судзілі яе па «справе Мікалая Аўтуховіча», прысуд вынеслі 17 кастрычніка 2022 года.
Юлія Лабунова. Ёй 37 гадоў, затрыманая 20 верасня 2021 года. Судзілася па крымінальнай справе за перформанс на гарадскіх могілках, калі кампанія маладых людзей усталявала на магілу партрэт Лукашэнкі і адкаркавала шампанскае. Прысуд — 3,5 года пазбаўлення волі ў калоніі агульнага рэжыму.
Асаблівасцю гэтай, чацвёртай, хвалі памілаванняў стала тое, што ўлады гэтым разам, хоць і з расцягваннем на тры дні, самі паведамілі імёны і прозвішчы ўсіх вызваленых. У той жа час мінулыя тры разы яны называлі толькі па некалькі імёнаў, а іншых праваабаронцы нават калі і ведаюць, то трымаюць у таямніцы. Некаторыя ж імёны дагэтуль невядомыя нават ім, хоць хвалі памілаванняў ідуць ужо больш за два месяцы, пачынаючы ад 2 ліпеня.
У жніўні па памілаванні вызвалілася палітзняволеная пенсіянерка Наталля Таран
Назвалі яшчэ 10 прозвішчаў вызваленых па памілаванні палітвязняў
«Пераапранулі ў цывільнае адзенне, далі грошы на дарогу і адправілі прэч». Як палітвязні выходзяць па памілаванні
Сталі вядомыя імёны яшчэ 10 памілаваных палітвязняў
Вызваленнем новай групы палітвязняў Лукашэнка пасылае яшчэ адзін сігнал. Каму і навошта?
Сталі вядомыя першыя пяць прозвішчаў палітвязняў, вызваленых па новым памілаванні
Латушка: Не трэба сябе падманваць «памілаваннямі» палітвязняў
Каментары
в чем проблема-то?