Кіраўнік Народнага антыкрызіснага ўпраўлення і член Аб'яднанага пераходнага кабінета Беларусі Павел Латушка выступіў з заявай з нагоды чарговага ўказа аб памілаванні палітвязняў, выдадзенага Лукашэнкам.
У сваёй заяве Латушка падкрэслівае, што само выкарыстанне тэрміна «памілаванне» ў дачыненні да дзеянняў Лукашэнкі — няслушнае, бо:
«Нельга памілаваць ні ў чым не вінаватых людзей, якіх ты кінуў за краты па фальшывых, палітычна матываваных прысудах».
Таксама ён адзначыў умоўнасць знаходжання людзей, якія выходзяць з турмаў, на волю, бо «гэтыя людзі знаходзяцца… у стане моцна зрэзаных правоў і пад перманентным кантролем сілавых ведамстваў. Яны застаюцца рэпрэсаванымі».
Урэшце,
«памілаваўшы» адных, рэжым Лукашэнкі кінуў за краты іншых беларусаў і распачаў яшчэ сотні крымінальных спраў. Рэпрэсіі не спыніліся, ні якасна, ні колькасна. Яны наадварот нарастаюць».
Пры гэтым Латушка звяртае ўвагу, як Лукашэнка спрабуе выкарыстоўваць свае памілаванні для прапаганды і перахопу парадку дня: маўляў,
«навязвае наратыў пра тое, што абмяркоўваць трэба толькі яго «памілаванні», а казаць пра рэпрэсіі, якія ўзмацняюцца, нельга ні ў якім выпадку. І тым больш нельга казаць пра санкцыі і ціск на рэжым з мэтай прымусу яго да поўнага спынення рэпрэсій».
Тое, што гэтыя наратывы «ўжо асобныя прадстаўнікі дэмсілаў за ім паўтараюць», Латушка лічыць кепскай праявай.
«Я думаю, што хтосьці павінен назваць рэчы сваімі імёнамі і сказаць, што гэта называецца ніяк інакш, як «стакгольмскі сіндром», — заяўляе Латушка.
І падкрэслівае:
«Рэпрэсіі павінны спыніцца. Пакуль яны працягваюцца — шукаць «пазітыўныя сігналы» ў дзеяннях Лукашэнкі бессэнсоўна. Лукашэнка павінен адказаць за ўсе свае злачынствы: забойствы, катаванні, масавыя рэпрэсіі ў дачыненні да беларусаў. Нельга забываць гэта».
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос3
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары