Пасля двух гадоў зняволення выйшаў на свабоду гомельскі бард Аляксей Ільінчык
Ён цалкам адбыў пакаранне і выйшаў на волю 31 жніўня 2024 года.
У чэрвені 2022 г. Аляксей Ільінчык вярнуўся ў Гомель, а 18 жніўня яго затрымалі. Пра гэта стала вядома з праўладнага ТГ-канала, які распавёў, што бард затрыманы за каментары ў сацыяльных сетках, піша «Гомельская вясна».
Не зважаючы на кепскі стан здароўя, яго змясцілі ў СІЗА-3 г. Гомеля, абвінаваціўшы па 3-х артыкулах Крымінальнага кодэкса РБ: частцы 1 артыкула 130 «Распальванне расавай, нацыянальнай, рэлігійнай ці іншай сацыяльнай варожасці ці варажнечы», ч. 2 арт. 367 «Паклёп у дачыненні да Лукашэнкі» і ч. 1 арт. 368 «Абраза Лукашэнкі».
28 сакавіка 2023 г. суддзя Гомельскага абласнога суда Хлышчанкоў Аляксей прысудзіў Ільінчыку 2,5 гады пазбаўлення волі ў калоніі ва ўмовах агульнага рэжыму. Прысуд абскарджваўся ў Вярхоўным Судзе, але яго пакінулі без зменаў, пасля чаго палітвязень быў этапаваны ў ПК № 14, што ў в. Навасады Барысаўскага раёна Мінскай вобласці.
-
У Беларусі прадаецца рэдкая манета, якую можна выкарыстоўваць як аб'ектыў у фотаапараце. Што за яна?
-
У беларускай краме ізраільскія авакада каштуюць танней, чым айчынныя агуркі
-
Беларусы расказалі, як 20 дзён хадзілі па арктычнай глухмені. Цяпер там ёсць перавалы Васіля Быкава і Уладзіміра Караткевіча
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары