Камісія Шведа толькі цяпер дазволіла вярнуцца ў футбол экс-капітану зборнай Беларусі. А ён ужо скончыў кар'еру
Некалькі дзён таму зноў засядала камісія па вяртанні на чале з генпракурорам Андрэем Шведам. Сёння сталі вядомыя два імёны «памілаваных» — і гэта зоркі беларускага спорту.
Гаворка ідзе пра двух вядомых беларускіх футбалістаў — Станіслава Драгуна і Андрэя Хачатурана. Паведамляецца, што камісія вырашыла дапусціць Драгуна і Хачатурана да «прафесійнай дзейнасці ў сферы спорту».
Найбольш вядомы з гэтых футбалістаў — Станіслаў Драгун. Некалі капітан беларускай зборнай, ён шмат гадоў аддаў гульні за БАТЭ, а потым за сваю пазіцыю ў 2020-м трапіў у чорныя спісы Мінспорту.
Станіслаў гуляў за БАТЭ да канца 2022-га, але новага кантракту з клубам ён не ўбачыў і ў чэрвені 2023-га скончыў кар'еру. Але без справы не сядзіць — Станіслаў развівае сваю аматарскую каманду DMedia, дзе разам граюць выбітныя экс-футбалісты і блогеры.
Хачатуран — яшчэ адзін гулец, які трапіў у чорныя спісы Мінспорту. Былы паўабаронца «Тарпеда-БелАЗ» і экс-гулец зборнай, ён цяпер выступае за «Макслайн» — клуб першай лігі з Рагачова.
«Наша Нiва» — бастыён беларушчыны
ПАДТРЫМАЦЬШто вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары