У Азербайджане арыштавалі стрыечнага брата коміка Ідрака Мірзалізадэ. Былога выкладчыка БДУ падазраюць у дзяржздрадзе
Ігбал Абілаў спрабаваў вылецець з Баку, яму не дазволілі сесці на самалёт.
У Азербайджане затрымалі даследчыка Ігбала Абілава — стрыечнага брата вядомага беларускага коміка Ідрака Мірзалізадэ.
22 ліпеня Ігбала затрымалі ў вёсцы Бала Калатан супрацоўнікі Дзяржаўнай службы бяспекі (ДСБ). Ён прыехаў у Азербайджан 14 чэрвеня, каб прысутнічаць на вяселлі свайго кузена.
Першапачаткова яго затрымалі месяц таму, 22 чэрвеня, але пасля допыту адпусцілі. 27 чэрвеня, калі ён спрабаваў вылецець з Баку на шляху ў Беларусь, яму не дазволілі сесці на самалёт, забраўшы ягоны пашпарт і два тэлефоны.
22 ліпеня Абілава зноў выклікалі ў аддзел ДСБ пад падставай вяртання яго пашпарта і тэлефонаў. Аднак, не паведаміўшы нічога яго родным, Абілава даставілі ў Баку.
Пасля бацькам паведамілі, што Ігбал падазраецца па артыкулах 274 (дзяржаўная здрада), 281.3 (публічныя заклікі, накіраваныя супраць дзяржавы, учыненыя па заданні замежных арганізацый або іх прадстаўнікоў) і 283.1 (распальванне нацыянальнай, расавай, сацыяльнай або рэлігійнай нянавісці і варожасці) Крымінальнага кодэкса Азербайджана.
Па словах сваякоў Абілава, ён быў затрыманы па надуманых абвінавачваннях, а сапраўднай прычынай яго пераследу з'яўляецца яго даследаванне розных нацыянальных меншасцяў, уключаючы талышаў Азербайджана.
24 ліпеня на час следства Ігбала змясцілі пад чатырохмесячны арышт без магчымасці бачыцца з блізкімі.
Ігбал Абілаў нарадзіўся ў 1989 годзе. Ён — навуковы даследчык, галоўны рэдактар «Весніка Талышскай нацыянальнай акадэміі» і член Талышскай нацыянальнай акадэміі.
З ранняга дзяцінства Ігбал пражывае ў Беларусі. У 2012 г. скончыў факультэт міжнародных адносін БДУ, магістратуру і аспірантуру. Сем гадоў выкладаў у БДУ і Беларускім інстытуце правазнаўства. Мае публікацыі ў галіне гісторыі і этнаграфіі Паўднёвага Каўказа, Турцыі і Ірана.
Ён з'яўляецца галоўным рэдактарам «Весніка Талышскай нацыянальнай акадэміі» — міжнароднага навуковага часопіса, прысвечанага навуковаму вывучэнню народнасці талышаў.
-
Памёр бізнэсмен з 90-х Аляксандр Сманцар. Гэта ён у 2010 званіў Статкевічу на Плошчу і заклікаў «сядаць у крэсла Сідорскага»
-
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер
-
Нямецкі дэпутат, які мае пад Лідай фірму па перапрацоўцы цыбулі, выклікаў паліцыю на журналістаў і былога беларускага вязня
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер1
Каментары