Пакуль застаецца незразумелым, праз якія каналы будзе распаўсюджвацца інфармацыя. Магчыма, што толькі праз інтэрнэт.
План па рэфармаванні «Белсата» пачынае абрастаць новымі падрабязнасцямі і інтэрпрэтацыямі. Нагадаем, польскія ўлады хочуць стварыць на месцы «Белсата» новую структуру, якая будзе працаваць адначасова на беларускай, рускай і ўкраінскай мовах. Новы праект збіраюцца запусціць 1 сакавіка 2025 года, але пэўнасці наконт таго, як ён будзе працаваць, няма.
Па словах суразмоўцы «Нашай Нівы», якая азнаёмілася з планам па рэфармаванні, вяшчанне гэтага новага славянамоўнага канала на спадарожніку прызнаецца немэтазгодным. Разам з тым плануецца знікненне канала з кабельных сетак Украіны, Літвы, Польшчы. «А дзе ён тады будзе? Там адказу няма», — адзначае суразмоўца.
На цяперашні момант «Белсат» вяшчае на тэрыторыю Беларусі са спадарожніка. Падлічыць колькасць гледачоў тэлеканала няма тэхнічнай магчымасці. Сацыялагічныя даследаванні, якія падлічылі б актуальную аўдыторыю «Белсата», у адкрытым доступе адсутнічаюць.
Апроч таго, тэлеэфір можна паглядзець на сайце «Белсата» і праз сетку каналаў у ютубе.
Тым часам супрацоўнікі «Белсата» звярнуліся да польскіх уладаў з просьбай захаваць «Белсат» і яго праекты ў рамках аднаго тэлеканала на чале з Аляксеем Дзікавіцкім.
«Мы ведаем і бачым, што зараз адбываюцца незваротныя працэсы, якія вядуць да знішчэння і ліквідацыі флагманскага польскага праекту мяккай сілы на Усходзе. Як калектыў мы не можам гэтага дапусціць. Таму мы настойліва звяртаемся да вас з просьбай прыслухацца да нашага голасу і не знішчаць Белсат!» — гаворыцца ў звароце.
Былая дырэктарка «Белсата» выдала заяву ў сувязі з абвінавачаннямі ў растратах. Патрабуе «спынення паклёпу» і прабачэнняў
Захаванне «Белсата» і змякчэнне ўмоваў правозу тавараў праз польскую мяжу — што Ціханоўская абмеркавала з Сікорскім
Дзікавіцкі адрэагаваў на абвінавачанні пракуратуры супраць былой кіраўніцы «Белсата»
«Белсат» перастане быць самастойнай адзінкай у структуры TVP
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1919
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс19
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары
Узмацнілася дыскрымінацыя беларусаў па ўсёй Эўропе. Дыскрымінуюць тых, што ўцяклі ад лукашысцкай турмы, ад перасьледу па нацыянальнай прыкмеце (генацыд) і за чалавечую прыстойнасьць.
Акрамя ўсіх ранейшых абмежаваньняў, беларусаў у Польшчы перасталі браць на працу ў шмат якія ўстановы. Польскі банк Сантандар (Гішпанія) напрыклад, забараніў беларусам трансакцыі праз Сеціва, ангельцы забараняюць пераклады ангельскіх кніг па-беларуску, у Летуве толькі што прынялі антыбеларускі закон аб пазбаўленьні беларусаў віда на жыхарства і дэпартацыю ў 2-тыднёвы тэрмін, нават калі беларус зьвернецца ў суд.
Толькі што зьявілася рашэньне польскіх уладаў, якога ўвогуле ніхто не чакаў -- рыхтуецца рэарганізацыя ў тэлебачаньні, якая, фактычна, забароніць беларускае тэлебачаньне Белсат. Белсат зьбіраюцца ператварыць у невялікую рэдакцыю ў зборнай тэлекампаніі замежнага вяшчаньня. І гэта, магчыма, яшчэ ня ўсё.
З палітычнага гледзішча, сітуацыя лапідарна зразумелая (акрамя, хіба, як для наіўных эўрапалітыкаў). Адбываюцца адчувальныя і разбуральная дзеяньні Расеі (расейскіх службаў і агентуры) у гібрыднай вайне. Мы бачым, як Эўропа церпіць тут паразу крок за крокам. Дыскрымінацыя беларусаў, ліквідацыя вольнага Белсату, спыненьне перавозак і т. п. -- усё гэта ў пэрыяд вайны у канцовым выпадку ня толькі прыцясьняе беларусаў, але і супярэчыць стратэгічным інтарэсам Польскай дзяржавы. На жаль, як відаць, ня ўсе гэта разумеюць.
7 ліпень 2024 г. Зянон ПАЗЬНЯК
https://www.facebook.com/story.php?id=100041119419171&story_fbid=1237839304263372