«Нібыта кусаеш нешта скураное». У Беларусі выпусцілі марозіва са смакам энергетыка
Блогер апублікаваў у тыктоку ролік, у якім паказаў і пакаштаваў новае марозіва са смакам энергетычнага напою, заўважыў Telegraf.news. Гэта сумесны прадукт брэндаў Frudoza і Dynamit. Каментатары пацікавіліся, ці трэба будзе паказаць пашпарт на касе для куплі прысмакі.
«А вы ведалі, што ў Мінску з'явілася першае «энергетычнае» марозіва? Смак энергетыка плюс кавалачкі маліны», — анансаваў беларус.
Ён расказаў, што склад звычайны для марозіва, аднак, як і ў энергетычных напоях, тут ёсць кафеін і таўрын.
«На смак як энергетык Dynamit. Гэта вельмі крутая тэма. Фруктовая сакавітая абалонка са смакам энергетыка. За зубы кусаеш, як быццам хапаешся за нешта скураное», — падзяліўся блогер «Кокобай».
Паводле ягоных слоў, цана марозіва будзе да двух рублёў, а шукаць навінку трэба ў крамах сеткі «Карона».
«Марозіва вельмі смачнае, а яшчэ мне падабаецца, што ўсярэдзіне смачны сметанковы пламбір. А вось маліны тут мала», — ацаніў блогер.
У каментарах некаторыя падпісчыкі цікавіліся, ці можна будзе купіць гэтае марозіва людзям, маладзейшым за 18 гадоў, бо на энергетычныя напоі існуе ўзроставае абмежаванне. Праўда, адказу на яго не атрымалі.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»12
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары