Беларусь пачала пастаўляць у Расію свае віны з назвамі, як у еўрапейскіх. Гэта рээкспарт ці падробка?
Некалькі расійскіх кампаній атрымалі права на імпарт алкаголю вытворчасці Мінскага завода вінаградных вінаў. Так, расійскім кампаніям дазволілі ўвозіць віны «Грунэр Вельтлтнер» і «Рыслінг», адно пеністае — «Глера Спумантэ Экстра Драй». Яшчэ адзін імпарцёр атрымаў права на ўвоз віна Airen Tres Amigos ад мінскага завода, піша «Коммерсантъ».
Цікава, што назвы гэтых беларускіх вінаў вельмі падобныя на еўрапейскія брэнды. Напрыклад, Glera Spumante Extra Dry ад італьянскай вінаробні Villa degli Olmi або Tres Amigos ад іспанскіх Garcia Carrion і DCOOP. Рыслінг і грунэр вельтлінер — гэта назвы сартоў вінаграду, найбольш распаўсюджаных у еўрапейскіх краінах.
На расійскім рынку спрачаюцца — займаецца мінскі завод рээкспартам заходняга віна ці падрабляе еўрапейскія маркі, каб увесці спажыўца ў зман. Адныя лічаць, што такім чынам на расійскі рынак можа трапляць еўрапейскае віно. Іншыя сцвярджаюць, што такі рээкспарт эканамічна нявыгадны.
Расійскія ўлады са жніўня збіраюцца падняць мыты на ўвоз вінаў з недружалюбных краін з 20% да 25%.
Цяпер чытаюць
Арыштаваны міністр прыродных рэсурсаў выбраў «стратэгію Брыло»1
Арыштаваны міністр прыродных рэсурсаў выбраў «стратэгію Брыло»
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»2020
Каментары