Беларусь ужо асвоіла расійскі крэдыт на імпартазамяшчэнне і просіць новы
Улады Беларусі маюць намер прасіць у Расіі дадатковыя сродкі на імпартазамяшчальныя праекты, паведаміў нядаўна прызначаны пасол Беларусі ў Расіі Аляксандр Рагожнік.
Рагожнік нагадаў, што раней расійскі бок ужо выдзеліў Беларусі крэдытную лінію ў 105 млрд расійскіх рублёў (каля 1,2 даляраў ЗША) на рэалізацыю сумесных імпартазамяшчальных праектаў.
«Пул праектаў ужо сфарміраваны. Сёння гэтыя ўсе рэсурсы фактычна асвоеныя, і мы пяройдзем да наступнага этапу — прапрацоўкі з расійскім бокам дадатковага выдзялення пакета для рэалізацыі высокатэхналагічных праектаў, якія будуць накіраваныя на забеспячэнне тэхналагічнай незалежнасці Саюзнай дзяржавы», — цытуюць Рагожніка дзяржаўныя СМІ.
Паводле яго слоў, бакі рэалізуюць сумесныя праекты ў сферах мікраэлектронікі (прычым спектр кірункаў тут вельмі шырокі), авіябудаванні і станкабудаванні.
«Мы будзем распрацоўваць сумесныя праекты ў галіне рабатызацыі і аўтаматызацыі вытворчасці, каб павышаць тэхналагічны складнік прамысловай вытворчасці. Ідэя заўсёды ёсць, пытанне ў эканамічным складніку гэтых ідэй», — растлумачыў Рагожнік.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?2
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары