У Генпракуратуры прапануюць банкам увесці «астуджальны» перыяд для крэдытаў
Генпракуратура адмысловым лістом прапанавала Нацбанку змагацца з кібермахлярствам з дапамогай «астуджальнага» перыяду пры атрыманні крэдытаў фізічнымі асобамі. Пра гэта расказаў на прэс-канферэнцыі намеснік генпракурора Аляксей Стук, піша Myfin.by.
Па словах Аляксея Стука, так званы «астуджальны» перыяд на суткі ці больш пры атрыманні анлайн-крэдытаў патрэбен, каб чалавек мог абдумаць сваё рашэнне, узважыць усе за і супраць, параіцца з роднымі і блізкімі. Гэта можа засцерагчы ад памылкі чалавека, які атрымлівае крэдыт пад уплывам вымагальніцтва або падману.
Як адзначыў намеснік генпракурора, у 2023 годзе колькасць зарэгістраваных кіберзлачынстваў павялічылася на 23,5%, да 18 300. З іх больш за 21% складаюць махлярствы.
За 5 месяцаў 2024 года зарэгістравана амаль 8500 кіберзлачынстваў, летась за аналагічны перыяд іх было менш за 7000.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам11
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары