Пачынаецца суд над братам заснавальніка EPAM. Яму пагражае да 15 гадоў
Сямёна Добкіна і яго намесніка Юрыя Жулаева абвінавачваюць у атрыманні хабару ў асабліва буйным памеры.
На лаве падсудных апынуліся Сямён Добкін, брат заснавальніка EPAM Аркадзя Добкіна, і ягоны 42-гадовы намеснік Юрый Жулаеў. Яны працавалі ў кампаніі ГКСБ, якая з'яўляецца найбуйнейшай цеплатэхнічнай кампаніяй на тэрыторыі Беларусі.
Кампанія выпускае воданагравальныя і паравыя катлы на вадкім і цвёрдым паліве, гарэлкі, утылізатары, блочна-модульныя кацельні і іншае інжынернае абсталяванне для жыллёва-камунальных гаспадарак, а таксама будаўнічых арганізацый і іншых суб'ектаў сацыяльнага прызначэння.
Абсталяванне, створанае кампаніяй, выкарыстоўваецца на курорце «Сілічы», у Нацыянальнай бібліятэцы і іншых буйных аб'ектах.
«Наша Ніва» паведамляла пра затрыманні ў кампаніі Сямёна Добкіна ў снежні 2023-га.
Суд пачнецца 9 ліпеня 2024 года ў судзе Ленінскага раёна Брэста. Судзіць іх будзе Дзмітрый Шурын, які замазаўся і ў палітычных справах.
Абодвух мужчынаў вінавацяць па трэцяй, самай сур'ёзнай частцы артыкула 430 КК, «атрыманне хабару». Гэта можа быць як атрыманне хабару ў асабліва буйным памеры, гэтак і арганізаванай групай або асобай, якая займае адказнае становішча. Сутнасць абвінавачання і акалічнасці справы невядомыя.
Ім пагражае ад 5 да 15 гадоў калоніі са штрафам.
Брат Сямёна, заснавальнік EPAM Аркадзь, жыве ў ЗША. Ён не вяртаўся ў Беларусь з таго часу, як Лукашэнка назваў яго «дробкіным» і абвінаваціў у фінансаванні пратэстаў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю3636
Каментары