Стала вядома, што з жыллём у сям'і рэктара БДУ, які прасіў трохпакаёўку за ўдзел у рэпрэсіях
«Кіберпартызаны» ў сваім апошнім расследаванні расказалі пра спробу рэктара Беларускага дзяржаўнага ўніверсітэта Андрэя Караля атрымаць ільготную трохпакаёвую кватэру ў Мінску. «Люстэрка» ў сувязі з гэтым пры дапамозе аб'яднання экс-сілавікоў Belpol даведалася, якая нерухомасць ужо ёсць у рэктара, ягонай жонкі і бацькоў. Аказалася, што ва ўласнасці ў іх ужо і так пяць кватэр — праўда, ніводнай у сталіцы.
Паводле інфармацыі Belpol, па стане на 2021 год сам рэктар Белдзяржуніверсітэта Андрэй Кароль не валодаў ніякім жыллём у Беларусі. Менавіта таму і стаіць у чарзе тых, хто мае патрэбу ў паляпшэнні жыллёвых умоў, і праз гэта спрабаваў прабіць сабе трохпакаёўку ў Мінску.
Аднак у ягонай жонкі Таццяны Пранько ёсць трохпакаёвая кватэра ў Гродне па вуліцы Горкага, 98. У ёй тры пакоі, агульная плошча жылля — 49,8 квадратнага метра.
Ва ўласнасць жанчыны кватэра перайшла ў выніку нечага дарэння ў 1996 годзе. Кватэры падобнага метражу ў раёне вуліцы Горкага ў Гродне прадаюць коштам ад 43 тысяч даляраў.
У суседніх дамах знаходзяцца кватэры, якія належаць бацькам рэктара БДУ.
Маці Андрэя Караля, Ларыса Кароль, валодае 32-метровай аднапакаёўкай па вуліцы Горкага, 96. Жыллё дасталася жанчыне ў спадчыну. Падобная кватэра ў Гродне каштуе каля 25 тысяч долараў.
Бацьку рэктара БДУ, Дзмітрыю Каралю, належыць трохпакаёўка на 59 квадратных метраў у доме 75 па той жа вуліцы Горкага. Каштуе падобная кватэра ад 35 тысяч даляраў. Праўда, валодае ён ёй на пару з Наталляй Кароль — верагодна, сваёй роднай сястрой.
Акрамя таго, у бацькоў Караля ёсць і іншыя кватэры ў Гродне. Ягонай маці належыць яшчэ 44-метровая двухпакаёўка па вуліцы Урублеўскага, 40. Падстава для дзяржаўнай рэгістрацыі — даведка жыллёва-будаўнічага кааператыва ад 2016 года. Прыблізны кошт такой кватэры — каля 30 тысяч даляраў.
Бацьку рэктара БДУ таксама належыць 20-метровая аднапакаёўка ў доме са статусам гісторыка-культурнай каштоўнасці па вуліцы Замкавай, 15. У гэтым раёне Гродна цяпер нічога не прадаецца, таму колькі можа каштаваць гэтая нерухомасць, сказаць цяжка.
Духоўнік Лукашэнкі, які жыве напоўніцу. Што вядома пра дом, кватэры і машыны айца Фёдара Поўнага
Нерухомасць у казырных лакацыях, аўто мяняюць як пальчаткі. Што з маёмасцю ў Ірыны Абельскай і яе сына?
«Адпрацуйце 40 гадоў кіраўніком, і ў вас атрымаецца». Экс-сенатарка расказала, як можна зарабіць на дом за $1,5 мільёна
Дачка дэпутата Савіных робіць кар'еру ў Лондане, у той час як яе бацька вінаваціць Захад ва ўсіх бедах
Цяпер чытаюць
Лукашэнка: Што творыцца ў краіне, у нас усе гэтую гусь круцяць31
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары