Грамадства1313

Жыхару Кобрына далі 10 сутак за кнігу Уладзіміра Арлова, што стаяла на паліцы

У судзе мужчына віну адмаўляў. Ён настойваў: ніякага «экстрэмізму» ён распаўсюджваць не планаваў, кнігу нікому не паказваў і наогул забыўся пра тое, што яна ў яго калі-небудзь была.

Уладзімір Арлоў. Фота: «Наша Ніва»

Аднак суд з такімі довадамі не пагадзіўся: раз выданне стаяла на паліцы, значыць «публічна дэманстравалася» (яе маглі ўбачыць «як мінімум члены сям'і»), а раз «публічна дэманстравалася», значыць «распаўсюджвалася». Падрабязнасці адміністрацыйнай справы прыводзяцца ў пастанове, якая была апублікавана ў Банку судовых рашэнняў, звярнула ўвагу «Люстэрка».

Міліцыя даведалася пра наяўнасць у доме жыхара Кобрына «экстрэмісцкай» кнігі па даносе. Хто напісаў паклёп, у пратаколе не пазначана. Пасля паступлення інфармацыі супрацоўнікі Кобрынскага РАУС прыехалі па месцы жыхарства мужчыны для «агляду домаўладання».

«Пры аглядзе жылля на першым паверсе дома ў кніжнай шафе ў адкрытым доступе ім у вочы кінулася кніга «Айчына: дзіцячая гісторыя. Ад Рагнеды да Касцюшкі», якая выклікала падазрэнне», — паведамляецца ў пастанове.

Пільныя супрацоўнікі зверыліся з рэспубліканскім спісам экстрэмісцкіх матэрыялаў і ўстанавілі, што дадзенае выданне ўнесена ў забаронены пералік. Пасля гэтага яны праверылі ноўтбук і тэлефон уладальніка кнігі, але там нічога падазронага не знайшлі.

Фота: Брэсцкая газета

У выніку мужчыну затрымалі і склалі пратакол паводле ч. 2 арт.19.11 КаАП (захоўванне з мэтай распаўсюджвання інфармацыйнай прадукцыі, уключанай у рэспубліканскі спіс экстрэмісцкіх матэрыялаў).

У судовым пасяджэнні ўладальнік кнігі віны не прызнаў. Ён падкрэсліў, што рашэннем суда Цэнтральнага раёна Мінска ў «экстрэмісцкі» пералік было ўключана другое выданне «Айчыны: дзіцячая гісторыя. Ад Рагнеды да Касцюшкі», а ў яго дома на паліцы ляжала першае.

Кнігу яму падарылі на 60-гадовы юбілей. Ён паставіў яе ў шафу, «як падарунак, дзе захоўваў без мэты распаўсюджвання», чытаць ён яе нікому не даваў, а з часам і зусім забыўся, што такая літаратура ў яго ёсць.

«Для членаў яго сям'і — жонкі і дачкі — дадзеная кніга не ўяўляе цікавасці», — падкрэсліваецца ў пастанове.

Аднак суд Кобрынскага раёна з гэтым довадам не пагадзіўся. Там палічылі аргументы няслушнымі, бо сам факт размяшчэння і захоўвання такой інфармацыі ў адкрытым доступе ў кніжнай шафе быў накіраваны на публічную дэманстрацыю і на азнаямленне як мінімум членаў сям'і».

На довад кобрынца пра тое, што «экстрэмісцкім» было прызнана толькі другое выданне кнігі, а не першае, суд таксама знайшоў, што запярэчыць.

«Довад абвяргаецца звесткамі выдання, паколькі ў мэтах выканання рашэння суда Цэнтральнага раёна Мінска ад 18 кастрычніка 2022 года было знішчана як другое, так і першае яе выданне, з чаго вынікае, што названыя выданні былі ідэнтычныя, акрамя таго, пры другім выданні кнігі ў ёй не паказаная інфармацыя аб тым, што другое выданне дапоўнена, дапрацавана альбо зменена, яго назва і колькасць старонак у другім выданні не зменена, у сувязі з чым суд прыходзіць да высновы, што першае выданне з'яўляецца ідэнтычным другому і з'яўляецца экстрэмісцкім матэрыялам», — заключыў суд, не патлумачыўшы пры гэтым, як звычайны беларус мог даведацца, якія менавіта выданні «экстрэмісцкай» кнігі знішчыла Выдавецтва, каб пазбегнуць пратаколу.

У выніку мужчыну прызналі вінаватым і прызначылі дзесяць сутак арышту. Кнігу канфіскавалі.

Каментары13

  • Помста
    01.06.2024
    У Новай Беларусі гэтыя пісьменнікі павінны быць асуджаныя за тое, што падставілі грамадзян Беларусі.
  • Руслан
    01.06.2024
    Как этим судьям живётся и дышится? Ведь сами же понимают, какие они отпетые ...
  • Лукажор
    01.06.2024
    Так гэта ж сюжэт з классікі "451 градус па Фарэнгейту", акрамя таго, што кнігу публічна не палілі , але гэта пакуль. Лукашысты самі таго не разумеючы ўжо паўтараюць тыя антыутапічныя практыкі, што фантасты пісалі як перадасцярогу будучым пакаленням

Цяпер чытаюць

Былы беларускі ваяр суткі катаваў свайго сябра, а пасля забіў сябе18

Былы беларускі ваяр суткі катаваў свайго сябра, а пасля забіў сябе

Усе навіны →
Усе навіны

У Вільні збілі журналіста Malanka Media15

Трамп заявіў, што Пуцін і Зяленскі абавязкова сустрэнуцца4

Лукашэнка павесіў адсталыя калгасы на шыі старшыням райвыканкамаў8

У Брэсце сілавікі скарысталі зброю супраць п'янага мужчыны3

Кожны сёмы жыхар Славакіі падтрымлівае далучэнне да Расіі — апытанне25

Аэрапорты Еўрасаюза будуць здымаць абмежаванні на вадкасці ў ручной паклажы

Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь8

Стрыжак расказаў, што цяпер будзе з «Байсолам»21

Мужчына разбіў відэакамеру ў пад'ездзе, надзеўшы для маскіроўкі трусы на галаву8

больш чытаных навін
больш лайканых навін

Былы беларускі ваяр суткі катаваў свайго сябра, а пасля забіў сябе18

Былы беларускі ваяр суткі катаваў свайго сябра, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць