Гэта можа быць вынікам наступу расійскіх сіл на харкаўскім кірунку.
На аснове адкрытых крыніц Бі-бі-сі сумесна з выданнем «Медыязона» і камандай валанцёраў удалося ўстанавіць імёны 53 586 расійскіх ваенных, якія загінулі падчас уварвання ва Украіну за два гады і амаль два месяцы.
Штотыднёвыя паказчыкі пацверджаных страт Расіі зноў пачалі расці, што можа быць вынікам наступу расійскіх сіл на харкаўскім кірунку.
За апошнія два тыдні пацвердзілася гібель яшчэ 1431 чалавека, што вышэй за сярэднія паказчыкі страт 2022 і 2023 года.
Самай хуткарослай катэгорыяй страт на дадзеным этапе з'яўляюцца добраахвотнікі. З восені 2023 года мы фіксуем рэзкі і істотны рост загінулых менавіта ў гэтай групе. З кастрычніка штотыднёвыя страты добраахвотнікаў не апускаліся ніжэй за 75 чалавек у тыдзень, нярэдка перавышаючы паказчык 100 чалавек у тыдзень.
Гэта можа быць у першую чаргу звязана з тым, як менавіта зараз папаўняе свае шэрагі Мінабароны Расіі.
Каб пазбегнуць неабходнасці праводзіць новую хвалю мабілізацыі, расійскія чыноўнікі засяродзіліся на актыўнай вярбоўцы на фронт людзей, якіх можа зацікавіць перспектыва стабільнага і высокага заробку, няхай і ва ўмовах павышанай рызыкі.
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары