«Зроблена ў Беларусі». На Wildberries з'явіўся раздзел з да болю знаёмай назвай
Усё для зручнасці пакупнікоў, якія хочуць набыць «якасныя беларускія тавары».
Пра гэта паведамляе выданне «Беларусы і рынак».
Цяпер для таго, каб знайсці, заказаць і купіць тавар беларускай вытворчасці на расійскай гандлёвай інтэрнэт-пляцоўцы Wildberries, не трэба доўга і нудна вывучаць інфармацыю аб характарыстыках прадстаўленай прадукцыі.
У адным з самых буйных расійскіх маркетплэйсаў Wildberries прадстаўлена новаўвядзенне. Для зручнасці пакупнікоў быў уведзены новы раздзел, які мае ў якасці назвы даўно вядомы на прасторах нашай краіны слоган «Зроблена ў Беларусі».
У гэтым раздзеле будуць прадстаўлены выключна тавары, якія вырабляюцца фірмамі і кампаніямі на тэрыторыі Рэспублікі Беларусь.
Як заявілі прадстаўнікі расейскага маркетплэйсу Wildberries, цяпер усе пакупнікі гэтай інтэрнэт-пляцоўцы змогуць набыць якасныя беларускія тавары «па зніжаных коштах і без удзелу пасярэднікаў», паведамляе 024.by.
Таксама паведамляецца, што ўсе вытворцы Рэспублікі Беларусь, якія прапануюць сваю прадукцыю на Wildberries, маюць сертыфікаты Беларускай гандлёва-прамысловай палаты і іх тавары адпаведным чынам прамаркіраваны.
Новы раздзел «Зроблена ў Беларусі» даступны кожнаму пакупніку як на афіцыйным сайце маркетплэйса, так і ў мабільным дадатку Wildberries.
Нагадаем, на тэрыторыі нашай краіны каля адной тысячы пунктаў выдачы Wildberries. Праўда, колькі менавіта беларускіх вытворцаў прадстаўляюць сваю прадукцыю на расійскім маркетплэйсе Wildberries, у кампаніі не адказалі. Аднак колькасць тавараў, якія адкрываюцца пры выбары падзелу «Зроблена ў Беларусі», перавышае 21 тысячу.
-
«Над галавой лятае па 20 тон». Брат і сястра з Беларусі расказалі, колькі зарабляюць у порце польскай Гдыні
-
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію
-
У ліпені Расія яшчэ больш павялічыла закупкі паліва ў Беларусі
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары