Чыноўніца заўважыла, што беларусы ядуць зашмат мяса. У тыктоку ёй адказалі
Намесніца кіраўніка Міністэрства антыманапольнага рэгулявання і гандлю Ніна Емяльянава заўважыла, што беларусы ў год у сярэднім з'ядаюць амаль цэнтнер мяса — 98-99 кг. Пры гэтым рэкамендаваная Мінздароўя гадавая норма складае 76 кг.
Беларусы аддаюць перавагу мясу птушкі — 46% такой прадукцыі было рэалізавана ўнутры краіны, 28% адправілі на экспарт. А вось ялавічыну жыхары нашай краіны абіраюць рэдка — 53% вырабленага мяса сышло на экспарт і толькі 2% прадалі арганізацыі гандлю і грамадскага харчавання.
У тыктоку пад навінамі пра гэта беларусы абураюцца: з такімі цэнамі — і не дзіва. Гародніна і садавіна ў несезон дарагія, рыба і ялавічына — таксама.
«Мяса… А вы цэннік бачылі на рыбу і гародніну?» — абураюцца.
«А што есці трэба? Сёмгу і фарэль? Так у людзей ЗП такіх няма».
«Цэны на гародніну, садавіну, зеляніну, рыбу з позняй зімы і да чэрвеня месяца роўныя кошту крыла ад Боінга. Гэтай зімой апельсіны — 7,99 руб., яблыкі — 4,99 руб., а ліставая салата — 22 руб. за 1кг, ранняя радыска — 8-9 руб.» — пералічаюць у каментарах.
«Сіняя курыца таннейшая за фарэль і яе на даўжэй хопіць», — сумна жартуюць.
«Што таннейшае, тое і ямо!!!»
«У нас у Талачыне ялавічыны я не бачыла, толькі фарш сумнеўнай якасці, а курыца і рыба па нашай зарплаце. Хай яна есць толькі траўку пад сваім акенцам, калі мы шмат мяса ямо».
«Калі ў нас беларускія агуркі каштуюць даражэй за кураціну… То так — агуркі можна і за спажыванне мяса палічыць…» — філасофствуюць.
Чытайце таксама:
У крамах з'явілася каўбаса ад МАЗа
Каталіцкі арцыбіскуп афіцыйна дазволіў вернікам есці мяса на свята 8 сакавіка
Цяпер чытаюць
Знойдзена цела супрацоўніцы віцебскай хіміі — яе шукалі два з паловай гады1
Каментары