Фанаты не знайшлі некалькіх трэкаў на кружэлках з новым альбомам Беёнсе
Прыхільнікі, якія аформілі перадзамову на вініл з новым кантры-альбомам Cowboy Carter, пабачылі, што на кружэлках адсутнічае пяць трэкаў, піша Бі-бі-сі.
Альбом выйшаў у пятніцу пад ухвальныя водгукі крытыкаў, некаторыя з якіх назвалі яго шэдэўрам. Паведамляецца, што на вініл-версіі, у прыватнасці, няма папулярных сярод прыхільнікаў спявачкі песень YaYa і Spaghetti.
«Мне так сумна», — напісаў адзін з фанатаў на Reddit — ён заплаціў 40 даляраў за перадзамову альбома на сайце Беёнсе і атрымаў сваю копію ў пятніцу.
«Гэта так крыўдна, бо Ya Ya ўваходзіць у пяцёрку любімых песень на альбоме», — напісалі калекцыянеры вінілу Мэт і Хуан у тыктоку.
Усяго на пласцінцы адсутнічаюць пяць песень і інтэрлюдый: Spaghetti, Flamenco, the Linda Martell Show, Ya Ya і Oh Louisiana.
Пры гэтым незразумела, ці закрануты ўсе вінілавыя копіі. Прыхільнікі таксама паведамілі, што на CD-версіі няма чатырох трэкаў.
«Што гэта такое?! Як яна магла прадаць няпоўны альбом?» — скардзіцца адзін з карыстальнікаў Reddit.
Як адзначае музычны аглядальнік Бі-бі-сі Марк Сэвідж, верагоднае тлумачэнне заключаецца ў тым, што Беёнсе дадала гэтыя песні ў канцы працы над альбомам.
Вытворчасць вінілу распісана на месяцы наперад, а тэрміны вырабу накладу кружэлак складаюць ад 10 тыдняў да 6 месяцаў, таму майстар-копіі альбомаў павінны быць перададзены заводам задоўга да іх афіцыйнага выхаду.
Артысты таксама нярэдка ўносяць змены ў трэклісты і самі кампазіцыі ў апошнюю хвіліну.
Рэпер Канье Уэст некалькі разоў абнаўляў свой альбом 2016 года the Life of Pablo пасля яго выхаду, змяняючы трэкліст у стрымінгавых сэрвісах да таго часу, пакуль не быў канчаткова задаволены.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары