Беларускаму добраахвотніку патрэбная дапамога пасля цяжкага ранення
Улетку 2023 года на полі бою быў цяжка паранены беларускі добраахвотнік, баец 79 дэсантна-штурмавой брыгады УСУ. Каля 14 гадзін ён чакаў на эвакуацыю, а потым некалькі месяцаў правёў у рэанімацыі, змагаючыся за сваё жыццё.
Цяпер мужчына знаходзіцца ў шпіталі ў стабільна цяжкім стане. Яму аказваецца ўся неабходная дапамога. Але каб аднаўленне праходзіла больш паспяхова, мужчыну важна дакупляць некаторыя лекі і прылады для рэабілітацыі.
У цяжкім становішчы апынуўся не толькі ён, але і ягоная сям'я, бо шматлікія выдаткі па лячэнні ляглі на блізкіх.
Сума збору — €4000. У гэтую суму ўваходзяць неабходныя медыкаменты і сродкі для рэабілітацыі.
Аказаць падтрымку нашаму добраахвотніку і ягонай сям'і, каб яны маглі як мага хутчэй вярнуцца да паўнавартаснага жыцця, можна па спасылцы.
Каментары
А што наконт офісах-кабінетаў? Чаму яны не дапамагаюць ваярам?
Тым больш што 79 дэсантна-штурмавой брыгада - пад куратарствам кабінетнага Сахашчыка.
Офісы-кабінеты панабралі грошаў, грантаў, мільёнамі еўра, і невядома куды падзелі, а дапамагаць павінен адзін Пазьняк на сваю сціплую пенсію? Дык ён дапамагае. У адрозненне ад офісаў-кабінетаў.