Сілавікі затрымалі гродзенца за здымкі вайсковай тэхнікі. На відэа ў яго падбітае вока
Праўладны тэлеграм-канал апублікаваў відэа затрымання жыхара Гродна, які, паводле аўтараў відэа, за грошы фатаграфаваў ваенныя абʼекты.
«Медыязона» высветліла, што ў сацыяльных сетках затрыманы падпісаны як Кірыл Гаўрылаў. Ён 2003 года нараджэння і пражывае ў Гродне. У міліцэйскім роліку бачна, што ў хлопца падбітае левае вока.
На камеру хлопца прымусілі сказаць, што яму за грошы прапанавалі сабраць інфармацыю пра вайсковыя абʼекты Беларусі і сфатаграфаваць іх.
У роліку паказваюць фота зенітна-ракетных комплексаў С-300 і РСЗА «Град». Ці зрабіў гэтыя фотаздымкі затрыманы, невядома. Таксама невядома, па якім артыкуле затрымалі гарадзенца і дзе ён зараз знаходзіцца.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Выконваюць норму па затрыманых, каб імітаваць "карыснасць"...