Навука і тэхналогіі

Навукоўцам атрымалася «выразаць» ДНК ВІЧ з заражаных клетак

Але да лекаў ад вірусу яшчэ далёка.

Фота: George Frey / Getty Images 

Навукоўцы з Нідэрландаў заявілі, што ім удалося паспяхова выдаліць ДНК вірусу імунадэфіцыту чалавека з заражаных клетак з дапамогай тэхналогіі рэдагавання геному CRISPR, удастоенай Нобелеўскай прэміі па хіміі за 2020 год, піша Бі-бі-сі.

Тэхналогія, якая працуе як нажніцы, але на малекулярным узроўні, дазваляе разрэзаць ДНК такім чынам, што інфікаваныя ўчасткі могуць быць выдаленыя або інактываваныя, што спыняе рэплікацыю ВІЧ.

Ёсць надзея, што ў выніку атрымаецца цалкам пазбавіць арганізм ад вірусу, хоць неабходна прарабіць яшчэ шмат працы, каб пераканацца ў тым, што гэта будзе бяспечна і эфектыўна.

Існуючыя прэпараты ад ВІЧ могуць запаволіць развіццё вірусу ў арганізме, але не знішчыць яго.

Каманда Амстэрдамскага ўніверсітэта, якая прадставіла на гэтым тыдні на медыцынскай канферэнцыі кароткі выклад сваіх першых вынікаў, падкрэслівае, што іх праца застаецца толькі «доказам канцэпцыі» і не стане лекамі ад ВІЧ у найбліжэйшы час.

Дацэнт Нотынгемскага ўніверсітэта Джэймс Дыксан, які спецыялізуецца на тэхналогіях ствалавых клетак і геннай тэрапіі, згодны з гэтым і кажа, што атрыманыя вынікі патрабуюць стараннага вывучэння.

«Спатрэбіцца яшчэ шмат распрацовак, перш чым гэта зможа аказаць уплыў на ВІЧ-інфіцыраваных», — сказаў ён.

«Надзвычай складаная задача»

Іншыя навукоўцы таксама спрабуюць выкарыстоўваць тэхналогію CRISPR у барацьбе з ВІЧ.

Кампанія Excision BioTherapeutics сцвярджае, што пасля 48 тыдняў лячэння ў трох добраахвотнікаў з ВІЧ не было выяўлена сур'ёзных пабочных эфектаў.

Аднак вірусолаг з лонданскага Інстытута Фрэнсіса Крыка Джонатан Стое кажа, што выдаліць ВІЧ з усіх клетак, якія хаваюць яго ў арганізме, надзвычай складана.

«Пазаклетачнае лячэнне з магчымымі доўгатэрміновымі пабочнымі эфектамі па-ранейшаму выклікае асцярогі, — сказаў ён. — Таму верагодна, што пройдзе шмат гадоў, перш чым такая тэрапія на аснове CRISPR стане руціннай — нават калі выказаць здагадку, што яна акажацца эфектыўнай».

ВІЧ заражае і атакуе клеткі імуннай сістэмы, выкарыстоўваючы іх для стварэння ўласных копій.

Нават пры эфектыўным лячэнні некаторыя з іх пераходзяць у стан спакою або латэнтны стан, і ў іх па-ранейшаму ўтрымліваецца ДНК або генетычны матэрыял віруса.

Большасць людзей з ВІЧ маюць патрэбу ў пажыццёвай антырэтравіруснай тэрапіі. Калі перастаць прымаць гэтыя прэпараты, вірус дрэмле, можа зноў актывізавацца і выклікаць праблемы.

Каментары

Цяпер чытаюць

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Усе навіны →
Усе навіны

Ціханоўская павіншавала Наўроцкага з абраннем на пост прэзідэнта Польшчы22

Лукашэнка паляцеў у Кітай. Гэта сустрэча павінна была адбыцца яшчэ ў студзені3

З'явіліся першыя спадарожнікавыя здымкі авіябазы «Белая», на якіх відаць наступствы атакі СБУ2

Сцяпан Пуціла: У час пратэстаў нас чатыры чалавекі ў рэдакцыі было. І дзвесце паведамленняў на хвіліну17

«Яны ўсе сябравалі супраць мяне». У Мінску судзяць мужчыну за лжывыя даносы на канкурэнтаў1

Апублікаваны поўны тэкст мірных прапаноў Украіны, якія Кіеў прадставіць на перамовах у Стамбуле7

Украіна перадала свой мемарандум Расіі на ўкраінскай і англійскай мовах4

Як выглядае самая недарагая кватэра ў сэрцы Мінска. Усяго за 295 тысяч даляраў1

Падарожнік з Казахстана расказаў, як прарываўся праз мяжу Беларусі і ЕС. Атрымалася толькі з трэцяй спробы7

больш чытаных навін
больш лайканых навін

Што IT-бізнэс думае пра Ганну Рабаву, новую кіраўніцу Парка высокіх тэхналогій?6

Што IT-бізнэс думае пра Ганну Рабаву, новую кіраўніцу Парка высокіх тэхналогій?

Галоўнае
Усе навіны →

Заўвага:

 

 

 

 

Закрыць Паведаміць