У беларускіх крамах з'явіўся прадукт амаль па 1000 рублёў за кілаграм
У прадуктовых крамах Беларусі з'явіўся незвычайны прадукт з Кітая і Карэі. За маленькі пачак вагой у 4 грамы просяць амаль чатыры рублі. Калі ж браць цэлы кілаграм такой прадукцыі, то давядзецца аддаць амаль 1000 рублёў.
Гаворка ідзе пра сушаную марскую капусту. Мяркуючы па ўсім, яна можа скласці здаровую альтэрнатыву чыпсам для тых, хто сядзіць на дыеце ці проста прытрымліваецца правільнага харчавання.
Адна ўпакоўка вагой у 4 грамы каштуе 3 рублі 97 капеек. Адпаведна, кілаграм прадукту абыйдзецца ў 992 рублі 50 капеек.
Склад прадукту такі: сушаная марская капуста; аліўкавы алей; кунжутны алей; кукурузны алей; соль. У невялікай упакоўцы — некалькі вельмі тонкіх пласцінак, якія можна лёгка разарваць. Па паху яны нагадваюць сушаную рыбу, адзначыў інтэрнэт-партал «Анлайнер», журналісты якога заўважылі такую навінку.
Аналагічную прадукцыю пад іншай гандлёвай маркай знайшло таксама выданне Telegram.news у анлайн-крамах Беларусі. У апісанні пазначана, што «капуста вырасла ў водах Ціхага акіяна», а таксама змяшчае «вітаміны А, B, C, кальцый, жалеза і ёд». Тэрмін прыдатнасці — 15 месяцаў, а энергетычная каштоўнасць на 100 грамаў складае 319 кілакалорый.
Такім чынам, адзін пачак (4 г) змяшчае каля 13 ккал. Цалкам дыетычны прадукт.
На МАЗе стварылі фудтрак для Mak.by, каб ездзіць па Дажынках
«Не ходзім у рэстараны і не трацім шмат грошай на ежу». Беларуска расказала, як яе сям'я адкладае грошы на паездку да мора
Новы італьянскі пасол прапанаваў экспартаваць сыр з Беларусі ў Італію
У чыноўнікаў спыталі, чаму ў крамах няма беларускага часнаку. Што яны адказалі?
Цяпер чытаюць
Латушка: У Пяткевіч трэсліся рукі, галава, яна тупала, крычала: «Вы насаджаеце нацыяналізм»21
Каментары