«У нейкі момант я зразумеў, што не магу ўстаць без дапамогі рук». Комік Саша Калінкін пра сваю хваробу
Комік Саша Калінкін у падкасце «Такі шлях» шчыра расказаў пра гісторыю свайго захворвання.
Хвароба, на якую пакутуе Саша Калінкін, называецца спінальная мышачная атрафія (СМА).
Па словах мужчыны, першыя праявы гэтага генетычнага захворвання ў яго пачаліся ў падлеткавым узросце:
«Я памятаю, што гуляў у баскетбол, валейбол, бегаў і было ўсё выдатна. Потым у нейкі момант я адчуў слабасць. Падумаў, што хіба стаміўся, не паспаў, не паеў. Адчуваў, што не магу бегчы, займацца. Гэта пачало патрохі прагрэсаваць. І ў нейкі момант бацькі спужаліся, вырашылі, што трэба нешта рабіць. Мяне павезлі ў неўралагічны цэнтр у Салігорску. Паглядзелі. Ніхто нічога не зразумеў. Адправілі ў Мінск да прафесара. Я там ляжаў доўгі час у бальніцы».
Калінкін згадвае, што дактары зрабілі яму генетычны аналіз, але нічога не вызначылі. У выніку не было адпаведнага лячэння. Стан хлопца пагаршаўся.
«У нейкі момант я зразумеў, што не магу ўстаць без дапамогі рук. Стала зразумела, што нешта не так. Я рос, а мышцы не раслі. Зрабілі новы аналіз і вызначылі, што гэта СМА», — расказвае Калінкін.
Па словах мужчыны, у той час не было ўколаў ад СМА, і ўсё лячэнне яго хваробы заключалася ў лячэбнай фізкультуры, уколах прэпаратаў, якія паляпшаюць перадачу нервовых імпульсаў. У выніку стан пастаянна пагаршаўся.
«У нейкі момант я зусім не мог самастойна падняцца з падлогі. І гэта было страшна, — расказвае Калінкін і з гумарам дадае: — Маё захворванне выратавала мяне ад наркаманіі, алкагалізму і турмы».
Саша Калінкін цяпер жыве ў Польшчы. Легальны статус дазволіў мужчыне прайсці спецыяльную медычную камісію, па выніках якой у лістападзе 2023 года яго ўзялі ў праграму лячэння хваробы.
«Адзін укол у пазваночнік каштуе 150 тысяч даляраў. Я пытаюся ў доктара: «А што я буду вам вінен?» Мне адказалі: «Нічога».
Як патлумачыў Калінкін, спачатку робіцца адзін укол, затым праз два тыдні другі. Затым укол раз на некалькі месяцаў, а пазней — раз на паўгода. А працягвацца гэта можа, па словах мужчыны, «ці да канца жыцця, ці пакуль неабходна».
Чытайце яшчэ:
«У мяне самая дарагая хвароба ў свеце». Беларускі стэндапер расказаў пра страшнае захворванне
У Беларусі ўпершыню зацвердзілі пратакол лячэння дзяцей са СМА
-
«З мяне нічога не возьмеш, а людзі пацярпелі». Пара пенсіянераў другі год не можа выпісаць з мінскай кватэры шматдзетную сям'ю эмігрантаў
-
Беларус, узяты ў палон украінцамі, звярнуўся да Лукашэнкі з просьбай закінуць за яго слоўца перад Пуціным
-
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары