У Шклове мужчына пагражаў зарэзаць падлетка, які не даў яму свой тэлефон
У Шклове п'яны мужчына пагражаў нажом незнаёмаму падлетку, расказалі ў службе інфармацыі пракуратуры Магілёўскай вобласці.
Канфлікт адбыўся на адной з вуліц Шклова 28 кастрычніка 2023 года. Увечары побач з прыпынкам грамадскага транспарту побач са школай апынуўся моцна п'яны 33-гадовы жыхар Дрыбінскага раёна. Мужчына ўбачыў групу падлеткаў і сказаў, каб яму далі мабільны тэлефон патэлефанаваць, але хлопцы адмовілі п'янаму незнаёмцу.
Тады ён дастаў з кішэні нож і стаў, размахваючы ім, нецэнзурна лаяцца і пагражаць аднаму з падлеткаў. Той папрасіў дапамогі ў аднаго з мінакоў і на месца выклікалі міліцыю.
Высветлілася, што падазраваны раней ужо быў неаднаразова судзімы за злачынствы супраць уласнасці. Цяпер яму інкрымінавалі асабліва злоснае хуліганства.
На судзе фігурант цалкам прызнаў сваю віну і заявіў, што рабіў так таму, што быў п'яны і раззлаваўся на тое, што яму не далі мабільны тэлефон. Мужчыну прысудзілі да 3 гадоў калоніі ва ўмовах узмоцненага рэжыму. Акрамя таго, яго будуць лячыць ад хранічнага алкагалізму.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары