Славуты рэжысёр трэці раз уз'яднаецца з Брэдам Пітам у апошнім фільме Таранціна «Кінакрытык».
Мінулы раз Піт атрымаў «Оскар» за найлепшую мужчынскую ролю другога плану ў фільме «Аднойчы ў Галівудзе» 2019 года, дзе ён сыграў акцёра-дубёра Кліфа Бута, а таксама зняўся ў Таранціна ў «Бясслаўных выблядках». Там ён сыграў лейтэнанта Альда Рэйна — камандзіра яўрэйска-амерыканскага атрада тагачасных спецназаўцаў.
Фільм будзе зняты на Sony Pictures, прадзюсарам выступіць Стэйсі Шэр, рэліз фільма намечаны на 2025 год, піша Deadline.
Таранціна не раскрывае падрабязнасці будучай 10-й стужкі, якая магчыма стане апошняй у рэжысёра, які казаў, што спыніцца на 10-м фільме.
Але ў маі Таранціна распавёў, што падзеі будуць разгортвацца ў 1977 годзе. Гісторыя заснавана на асобе рэальнага чалавека-кінакрытыка, які ніколі не быў па-сапраўднаму знакаміты і пісаў рэцэнзіі на фільмы для порнаграфічнага часопіса. Імаверна, натхненне пастаноўшчык чэрпаў з падзей, якія адбываліся з ім. Да таго як праславіцца, Таранціна падпрацоўваў, загружаў у аўтамат фільмы для дарослых.
Рэжысёр прызнаўся, што ў адным з іх яму падабаўся раздзел, прысвечаны кіно. Быў адзін крытык, які зрабіў на будучую знакамітасць асаблівае ўражанне.
Зорка Таранціна ўзышла пасля выхаду фільма «Шалёныя сабакі» 1992 года, у якім зняліся Харві Кейтэль, Цім Рот, Стыў Бушэмі, Майкл Мэдсэн. Гэтыя акцёры і далей здымаліся ў фільмах Таранціна. А сусветная слава прыйшла да Таранціна ўжо з «Крымінальным чытвом».
Што да Брэда Піта, то ён стаў сусветна вядомым пасля фільма «Інтэрв'ю з вампірам» 1994 года.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары