Паўтары тысячы музыкантаў Фінляндыі патрабуюць выключыць Ізраіль з Еўрабачання
Арганізатары конкурсу пакуль не бачаць падстаў гэта рабіць.
Амаль паўтары тысячы дзеячаў музычнага бізнэсу Фінляндыі падпісалі петыцыю з патрабаваннем выключыць Ізраіль з песеннага конкурсу Еўрабачання. Арганізатары конкурсу пакуль не бачаць падстаў гэта рабіць, піша Бі-бі-сі.
Аўтары петыцыі абвінавачваюць Ізраіль у ваенных злачынствах у сектары Газа. Яны лічаць, што калі арганізатар конкурсу, Еўрапейскі вяшчальны чаюз (EBU), адмовіцца выключаць ізраільцян, то свайго канкурсанта павінна адклікаць фінляндская вяшчальная кампанія Yle.
Адзін з аўтараў петыцыі, актывіст ад культуры Лукас Карпелайнен заявіў газеце Hufvudstadsbladet, што арганізатары конкурсу Еўрабачання не павінны дазволіць Ізраілю «паліраваць свой імідж» шляхам удзелу ў конкурсе.
Аўтары абвінавачваюць вяшчальную кампанію Yle ў падвойных стандартах на той падставе, што яе прадстаўнікі аднымі з першых заклікалі выключыць з Еўрабачання Расію пасля таго, як яна напала на Украіну.
Прадстаўнік Yle Віле Вілен ужо на наступны дзень пасля расійскага ўварвання сказаў, што яно ідзе насуперак з усімі каштоўнасцямі, якія прадстаўляюць Yle і іншыя вяшчальныя кампаніі Еўропы, і таму расійскіх удзельнікаў дапускаць на конкурс нельга.
Цяпер Вілен кажа, што ставіць Расію і Ізраіль на адну дошку няможна.
«Якімі б жудаснымі яны [падзеі ў Газе] ні былі, гэта — не агрэсіўная вайна паміж дзяржавамі, як паміж Расіяй і Украінай», — сказаў ён газеце Ilta Sanomat некаторы час таму.
З нагоды петыцыі прэс-сакратар Yle Йерэ Нурмінен сказаў газеце Hufvudstadsbladet, што кампанія сочыць за сітуацыяй і абмяркоўвае яе з EBU і іншымі грамадскімі вяшчальнымі кампаніямі Еўропы. Акрамя таго, па яго словах, кіраўніцтва Yle збіраецца сустрэцца з аўтарамі петыцыі.
Еўрапейскі вяшчальны саюз у снежні заявіў, што конкурс Еўрабачання праводзяць вяшчальныя кампаніі, а не ўрады, і што ізраільская кампанія адказвае ўсім патрабаванням да ўдзельнікаў конкурсу.
Песенны конкурс Еўрабачання сёлета пройдзе ў пачатку мая ў шведскім Мальмё.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка3
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары