Канец хунты ўжо блізкі? Гэта пра М'янму, дзе сітуацыя нарэшце змяняецца
Дзяржаўны пераварот, што адбыўся ў 2021 годзе ў М'янме, прывёў да магутнага руху супраціву. У апошні час паўстанцы маюць значныя поспехі.
1 лютага 2021 года ў Мʼянме адбыўся дзяржаўны пераварот. Вайскоўцы ўзялі пад варту прэзідэнта краіны Віна Мʼіна, дзярждарадцу Аун Сан Су Чжы і іншых лідараў кіроўнай партыі «Нацыянальная ліга за дэмакратыю». Камандуючы ўзброенымі сіламі генерал Мін Аунг Хлайн стаў часовым прэзідэнтам.
У навагоднім звароце часовы кіраўнік урада Мʼянмы Дува Лашы Ла (Duwa Lashi La) заявіў, што канец хунты ў краіне блізкі:
— цытуе словы Дува Лашы Ла Radio Free Asia.
Наступ абʼяднаных сіл паўстанцаў (вядомых як «Альянс трох брацтваў») пачаўся 27 кастрычніка 2023 года. Ён атрымаў назву «аперацыя 1027». Апазіцыі ўдалося ўзяць пад кантроль шэраг гарадоў у паўночным штаце Шан (Shan), некалькі ключавых пераходаў на мяжы з Кітаем, а таксам захапіць дзясяткі ваенных блокпастоў і лагераў хунты. У выніку падраздзяленні хунты былі фактычна заблакаваныя ад адпраўкі падмацавання.
Акрамя гэтага, паўстанцы атрымалі зброю ад Абʼяднанай арміі дзяржавы Ва (самаабвешчанай дзяржавы на тэрыторыі паўночнага штата Шан). Аналітыкі адзначаюць, што гэта стала магчыма таксама дзякуючы Кітаю, які аслабіў абмежаванні адносна самаабвешчанай дзяржавы. Абʼяднаная армія дзяржавы Ва налічвае каля 30 тысяч чалавек і лічыцца самым магутным недзяржаўным фармаваннем рэгіёна. На ўзбраенні ў яе, акрамя ўсяго іншага, знаходзяцца нават сістэмы супрацьпаветранай абароны.
Прасоўванне паўстанцаў назіраецца і ў іншых штатах краіны — Качын (Kachin), Ракхайн (Rakhine), Кая (Kayah), Сагайн (Sagaing).
Як пішуць карэспандэнты IndyStar, якія пабывалі ў раёне баёў, паўстанцы выйшлі з джунгляў і набылі вопыт у гарадскіх бітвах, актыўна выкарыстоўваюць беспілотнікі для скідвання бомбаў на пазіцыі праціўніка і ўстанаўліваюць пасткі з дапамогай самаробных выбуховых прыстасаванняў.
Такім чынам, на пачатку 2024 года кіроўная хунта мела кантроль толькі над 40% тэрыторыі М'янма.
Чытайце яшчэ:
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары