Kaniec chunty ŭžo blizki? Heta pra Mjanmu, dzie situacyja narešcie źmianiajecca
Dziaržaŭny pieravarot, što adbyŭsia ŭ 2021 hodzie ŭ Mjanmie, pryvioŭ da mahutnaha ruchu supracivu. U apošni čas paŭstancy majuć značnyja pośpiechi.
1 lutaha 2021 hoda ŭ Mjanmie adbyŭsia dziaržaŭny pieravarot. Vajskoŭcy ŭziali pad vartu prezidenta krainy Vina Mjina, dziarždaradcu Aun San Su Čžy i inšych lidaraŭ kiroŭnaj partyi «Nacyjanalnaja liha za demakratyju». Kamandujučy ŭzbrojenymi siłami hienierał Min Aunh Chłajn staŭ časovym prezidentam.
U navahodnim zvarocie časovy kiraŭnik urada Mjanmy Duva Łašy Ła (Duwa Lashi La) zajaviŭ, što kaniec chunty ŭ krainie blizki:
— cytuje słovy Duva Łašy Ła Radio Free Asia.
Nastup abjadnanych sił paŭstancaŭ (viadomych jak «Aljans troch bractvaŭ») pačaŭsia 27 kastryčnika 2023 hoda. Jon atrymaŭ nazvu «apieracyja 1027». Apazicyi ŭdałosia ŭziać pad kantrol šerah haradoŭ u paŭnočnym štacie Šan (Shan), niekalki klučavych pierachodaŭ na miažy z Kitajem, a taksam zachapić dziasiatki vajennych błokpastoŭ i łahieraŭ chunty. U vyniku padraździaleńni chunty byli faktyčna zabłakavanyja ad adpraŭki padmacavańnia.
Akramia hetaha, paŭstancy atrymali zbroju ad Abjadnanaj armii dziaržavy Va (samaabvieščanaj dziaržavy na terytoryi paŭnočnaha štata Šan). Analityki adznačajuć, što heta stała mahčyma taksama dziakujučy Kitaju, jaki asłabiŭ abmiežavańni adnosna samaabvieščanaj dziaržavy. Abjadnanaja armija dziaržavy Va naličvaje kala 30 tysiač čałaviek i ličycca samym mahutnym niedziaržaŭnym farmavańniem rehijona. Na ŭzbrajeńni ŭ jaje, akramia ŭsiaho inšaha, znachodziacca navat sistemy supraćpavietranaj abarony.
Prasoŭvańnie paŭstancaŭ nazirajecca i ŭ inšych štatach krainy — Kačyn (Kachin), Rakchajn (Rakhine), Kaja (Kayah), Sahajn (Sagaing).
Jak pišuć karespandenty IndyStar, jakija pabyvali ŭ rajonie bajoŭ, paŭstancy vyjšli z džunhlaŭ i nabyli vopyt u haradskich bitvach, aktyŭna vykarystoŭvajuć bieśpiłotniki dla skidvańnia bombaŭ na pazicyi praciŭnika i ŭstanaŭlivajuć pastki z dapamohaj samarobnych vybuchovych prystasavańniaŭ.
Takim čynam, na pačatku 2024 hoda kiroŭnaja chunta mieła kantrol tolki nad 40% terytoryi Mjanma.
Čytajcie jašče:
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary