Прапагандыстаў масава адпраўляюць у дэпутаты. Вылучаецца нават Яўген Пуставы
Гігін, Шпакоўскі і Курчак балатуюцца ў Палату прадстаўнікоў, Эйсмант, Крывашэеў і Пуставы — у Мінгарсавет.
Новая з’ява беларускага палітычнага поля — прапагандысты рознага гатунку збіраюцца ў дэпутаты. Адныя спрабуюць трапіць у Палату прадстаўнікоў на пастаянны заробак, іншых адпраўляюць у Мінгарсавет.
Сярод патэнцыйных кандыдатаў у Палату прадстаўнікоў ужо дырэктар Нацыянальнай бібліятэкі Вадзім Гігін, а таксама Аляксандр Шпакоўскі, які апошнім часам пайшоў на дыпламатычную службу і трапіў у пасольства ў Расіі. Абодва прапагандысты вылучаюцца ад «Белай Русі», таму ў іх не ўзнікнуць праблемы з рэгістрацыяй.
У нейкай ступені ў іх шэраг можна ўключыць і голас Генеральнай пракуратуры, начальніцу ўпраўлення па ўзаемадзеянні са СМІ Анжаліку Курчак.
Выглядае, што ніводнага з ранейшых прадстаўнікоў пралукашэнкаўскай медыясупольнасці пераабіраць не збіраюцца, у спісах кандыдатаў няма ні экс-кіраўніка БТ і «Белай Русі» Генадзя Давыдзькі, ні экс-міністаркі інфармацыі Ліліі Ананіч, ні вядучага АНТ Тэнгіза Думбадзэ.
У Мінскім гарадскім савеце дэпутатаў колькасць тэлеперсанажаў будзе яшчэ большая. Самы статусны з іх — кіраўнік Белтэлерадыёкампаніі Іван Эйсмант.
Апроч яго, на дэпутацкае крэсла прэтэндуе і Андрэй Крывашэеў. Ён працуе генеральным дырэктарам агенцтва «Мінск-Навіны», а заадно лічыцца яшчэ і старшынёй праўладнага Беларускага саюза журналістаў. Мінгарсавет стане яго трэцяй нагрузкай. Крывашэеў балатуецца па Малінаўцы.
Нарэшце, вырашыў дадаткова рэалізаваць сябе і тэлевядучы СТБ Яўген Пуставы. Ён жыхар Ждановічаў, але балатуецца па Ахоцкай акрузе.
Адметна, што ў цяперашнім скліканні Мінгарсавета засядае толькі адзін прадстаўнік дзяржаўных СМІ, гэта вядучы АНТ Яўген Лашкоўскі. Але ён займаецца толькі побытавымі праблемамі Уручча і не робіць ніякіх палітычных заяваў.
«Падкрэслена, пабачыўшы мяне з Азаронкам, пачынаюць размаўляць на беларускай мове».
Прапагандыст Пуставы пабачыў пакуты ў вачах беларусаў
Эйсмант: Як растлумачыць цяперашняй моладзі, што ўсяго 30 гадоў таму не было нічога?
Чарговы фэйк ад Крывашэева: пра верталёты і суддзяў
Гігін і Крывашэеў пра падзеі ў Бучы: Гэта было патрэбна краінам Захаду
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары