Кіраўнік вядомай геймерскай кампаніі прыйшоў на ўручэнне прэміі The Game Awards у рыцарскіх даспехах
Калі надакучыў звычайны гарнітур, Свэн Вінке падкажа альтэрнатыву.
Свэн Вінке, вядомы камп'ютарны дызайнер і генеральны дырэктар вядомай кампаніі па вытворчасці відэагульняў Larian Studios, наведаў цырымонію ўручэння прэміі The Game Awards (TGA) 2023. Для гучнага мерапрыемства Свэн абраў незвычайны гарнітур — рыцарскія даспехі ў спалучэнні з сонечнымі акулярамі.
Прэмія прайшла 7 снежня. Усяго за дасягненні ў галіне распрацоўкі гульняў сёлета была ўручана 31 узнагарода ў розных намінацыях: ад «Стваральніка кантэнту года», «Найлепшага трэнера па кіберспорце» да «Найлепшай ролевай гульні», «Найлепшай рэжысуры» і «Найлепшага сюжэту». Галоўны прыз дастаўся Baldur's Gate — гульні, распрацаванай фірмай Свэна Вінке. Верагодна, прыкметны лук павінен падкрэсліць статус пераможцы.
Сюжэт Baldur's Gate заснаваны на папулярнай настольнай ролевай гульні Dungeons & Dragons (Падзямеллі і Цмокі), дзеянне якой адбываецца ў адным з найбольш вядомых выдуманых гульнявых сусветаў — Забытых Каралеўствах (Forgotten Realms). Акрамя Baldur's Gate на рахунку бельгійскага распрацоўшчыка і іншыя паспяховыя праекты. Напрыклад, серыя ролевых відэагульняў Divinity.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары