«З-за дурной галавы». Прапаганда патлумачыла, чаму тыктокерку ў форме звольнілі з Мінабароны
На тыктокерку Паліну Папкову, якую днямі звольнілі са службы ў войску, пачала накат лукашэнкаўская прапаганда. Супраць яе напісала гнеўны пост адыёзная Людміла Гладкая, якая сярод іншага пагражае дзяўчыне крымінальнай справай.
Гладкая саркастычна «віншуе» Папкову, што тая дабілася таго «да чаго імкнулася, як той казаў», і яе «знайшла слава».
«Дзяўчынка дарослая, і сама выдатна разумее, што звольнілі не з-за тыктока, а, як у народзе кажуць, з-за дурной галавы і парушэнняў», — заяўляе прапагандыстка.
Паводле яе, «самі відэа па змесце — на мяжы». Паліну нібыта пра гэта папярэджвалі «старэйшыя таварышы», але яна да іх, маўляў, не прыслухалася. Пасля яе нібыта «вырашылі ўзяць на парукі, сказалі: ролікі, маўляў, здымай, але нармальныя». Але тая «праз пару месяцаў — за сваё», і тады ўжо начальства не вытрымала.
Гладкая рэзка крытыкуе змест відэа, у якім маўляў, дзяўчына, «хаміць і паводзіць сябе як быдла»: «У ход ідуць голыя цыцкі (да іх Полюшцы засталася ўсяго адна дэталь гардэроба), непрыстойныя выразы і танцы з пэўным падтэкстам з сяброўкай».
Дадаткова яна ставіць пад сумнеў і прафесійную прыдатнасць Папковай. Нібыта з яе калегаў «большасць кажуць: «некампетэнтная», «непрацавітая» і, мякка скажам, «недалёкая». Маўляў, камандзіры і самі з нецярплівасцю чакалі, калі ў яе скончыцца кантракт.
У той жа час Гладкая фактычна пацвярджае, што дзяўчыне сапраўды далі тры вымовы за два дні, то-бок сама аспрэчвае ўласныя сцвярджэнні, што нібыта яе «парушэнні» насілі працяглы характар.
Напрыканцы прапагандыстка згадвае пра вайсковыя законы, якія нібыта парушыла Паліна Папкова, дакідае да купы адміністрацыйны і крымінальны кодэксы і канстатуе: «Як па мне, на крымінальны артыкул Папкова ўжо напрацавала».
Дзяўчыну звольнілі з арміі. Яна сцвярджае, што з-за тыктоку і гэта загад міністра Хрэніна
«Яшчэ адзін крок — і яго жыццё магло пайсці пад адхон». Прапагандысты знялі на фоне адчыненай камеры хлопца, які нібыта «прыйшоў з павіннай»
«Гэта быў сапраўдны трэш. Яны ўрываліся ў пакоі, патрабавалі ў нас тэлефоны, перакульвалі ўсё ўверх дном»
Прапагандысты паспрабавалі аспрэчыць, што цела загінулай украінскай дзяўчынкі было ў мазырскім моргу. Але супярэчаць сабе ранейшым
Каментары
Цяпер чакайце пакаяльнае вiдэа дзяучыны у геспаГубаза.