Пакладзіце абутак у маразілку. Эфект будзе нечакана станоўчым
Гэты метад дапаможа вашай любімай пары абутку даўжэй захаваць прывабны выгляд, пазбавіцца ад мікробаў і нейтралізаваць пахі. Распавядаем, як гэта зрабіць правільна.
Метад выкарыстання марозу для вырашэння розных праблем з абуткам добра ведалі нашы бабулі. З дапамогай адмоўных тэмператур можна надаўжэй захаваць свае туфлі на высокім абцасе, красоўкі ці басаножкі. Нават калі вы не заўважаеце нічога, што можа выклікаць клопат, спецыялісты раяць у прафілактычных мэтах праводзіць марозную лазню для вашага абутку. Шкоды ад гэтага будзе нашмат менш, чым ад мыцця ў пральнай машыне.
Перад тым, як змясціць пару абутку ў маразільную камеру, добра прасушыце яе, а затым паасобку змясціце ў цэлафанавыя пакеты. Працэс «замарозкі» павінен працягвацца 48 гадзін. Зімою, з надыходам вялікіх маразоў можна выставіць абутак на лоджыю.
У выніку вы пазбавіцеся бактэрый і спораў грыбкоў, плесні, нейтралізуеце непрыемны пах і абновіце выгляд.
Уздзеянне нізкіх тэмператур можа быць эфектыўным для матэрыялаў, якія дрэнна рэагуюць на чыстку ці замочванне ў вадзе. Рэгулярнае замарожванне абутку дапаможа ачысціць і асвяжыць яго без механічнага ўздзеяння.
Пасля таго, як вы дастанеце абутак з маразільнай камеры ці ўнесяце ў хату з лоджыі, ні ў якім разе не імкніцеся яго размарозіць з дапамогай фену, батарэі ацяплення, сушылкі ў пральнай машыне ці яркага сонца. Проста пастаўце яго на палічку для абутку.
Калі эфект вам падасца недастатковым, то можаце пакласці ўсярэдзіну цэдру свежага апельсіна, лімона ці лайма і пакінуць на ноч. Натуральныя эфірныя алеі дэзадаруюць ваш абутак.
Калі ў вас ёсць цэлыя кедравыя арэхі, то выкарыстайце іх. Яны добра ўбяруць вільгаць і знішчаць споры грыбка.
Чытайце яшчэ:
Пакладзіце крэйду ў халадзільнік і пабачыце, што здарыцца. Вы не пашкадуеце
Цяпер чытаюць
Лукашэнка: Што творыцца ў краіне, у нас усе гэтую гусь круцяць22
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5757
Каментары