Грамадства44

«За два дні да таго званіў брату». Што здарылася з палітвязнем, якога знайшлі мёртвым у Рызе

Цела 52-гадовага палітвязня было знойдзена сёлета 14 верасня ў адным з паркаў Рыгі. За два дні да таго ён размаўляў па тэлефоне з братам і больш на сувязь са сваякамі не выходзіў. 27 верасня родным патэлефанавалі з віцебскай міліцыі і паведамілі пра смерць Вадзіма.

Вадзім Кавалёў. Фота: bysol.org

«Сваякам далі кантакты латвійскага следчага, які паведаміў, што смерць не мела крымінальнага характару, а прычынай стала хранічнае захворванне, таксама далі кантакты паліцэйскага ўчастка, дзе захоўваюцца ягоныя асабістыя рэчы. Цела памерлага, пакуль ішло следства, захоўвалі ў моргу.

Сваякі вырашылі, што пахаваць Вадзіма трэба на радзіме. Усе неабходныя дзеянні па дастаўцы цела ў Беларусь і падрыхтоўцы да пахавання ўзяла на сябе латышская фірма Angel, рахунак за паслугі складае 2 500 еўра. Фірма пайшла насустрач сваякам — дазволіла аплаціць рахунак ужо пасля ўсіх рытуальных дзеянняў. Фонд BYSOL абвясціў збор на пакрыццё выдаткаў на рэпатрыацыю», — распавёў віцебскі праваабаронца Павел Левінаў.

Папярэдняя версія прычыны смерці — панкрэатыт.

Вадзім Кавалёў быў асуджаны паводле артыкула 370 Крымінальнага кодэкса (здзек з дзяржаўных сімвалаў) за тое, што сарваў і кінуў пад ногі афіцыйны беларускі сцяг. 9 чэрвеня 2022 года суддзя Кастрычніцкага раёна Віцебска Ілля Белавус даў мужчыну два гады «хатняй хіміі». Але гэтае рашэнне аспрэчыла пракуратура і новы вырак аказаўся больш жорсткім: паўтара года калоніі.

26 жніўня 2022 года Міністэрства ўнутраных спраў унесла прозвішча Кавалёва ў спіс грамадзян, датычных да экстрэмісцкай дзейнасці.

Мужчына вырашыў тэрмінова выехаць з Беларусі, і летась у лістападзе апынуўся ў Латвіі, дзе атрымаў статус уцекача. У Беларусі Вадзім Кавалёў працаваў дальнабойшчыкам і хацеў знайсці такую самую працу ў замежжы. Якраз на 14 верасня яму быў прызначаны экзамен для атрымання правоў кіроўцы.

Пахаваюць мужчыну заўтра ў Оршы.

Каментары4

  • З Латвіі
    10.11.2023
    Мае спачуванні родным і блізкім нябожчыка. Звяртаюся да рэдактара. Выпраўце, калі ласка, латвійскі следчы, латвійская фірма. Латышская мова можа быць, напрыклад, латышская народная песня і г.д. Гэтак жа, як розніца паміж словамі рускі і расійскі. Латвійскі - належыць да краіны, латышскі - да нацыянальнасці.
  • Крокус
    11.11.2023
    Вечная памяць герою Беларусі!
  • Žvir
    11.11.2023
     З Латвіі, jak ža š Vy dastali ! Vy moža vučylka ? Biednyja dzieci...

Цяпер чытаюць

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Усе навіны →
Усе навіны

Беларуска атрымала дазвол на пражыванне ў Польшчы пасля першапачатковай адмовы

8000 еўра Сяргею Ціханоўскаму сабралі за палову дня13

Хлопца з Рагачова прызналі неадэкватным і вызвалілі ад пакарання, але ўсё роўна ўнеслі ў спіс «экстрэмістаў». Як так?1

Кубракоў, вярнуўшыся з селектарнай нарады ў Лукашэнкі, зразу ж склікаў сваю — па той жа схеме17

Жыхары шматпавярховіка ў цэнтры Мінска страцілі сон праз спеў паўлінаў3

У Мінску дэмантавалі памятныя знакі ў гонар міліцыі. Яны не прастаялі і двух гадоў ФОТАФАКТ6

У Еўропе нараджальнасць на гістарычна найніжэйшым узроўні. І нават прасямейная палітыка не дапамагае5

Беларусам з 11-месячным дзіцём не далі паляцець на Кіпр па польскім праязным дакуменце. Дачапіліся да дзіцяці12

На матчы беларускіх футбалістаў у Грузіі заўзятараў прымушалі прыбіраць БЧБ-сцягі3

больш чытаных навін
больш лайканых навін

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей19

Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей

Галоўнае
Усе навіны →

Заўвага:

 

 

 

 

Закрыць Паведаміць