Штучны інтэлект упершыню заключыў бізнэс-кантракт паміж дзвюма фірмамі без удзелу чалавека
Гэта заняло лічаныя хвіліны. Адзінае, што патрабавалася ад людзей, гэта подпіс гатовага дакумента.
Нейрасетка ўпершыню ў гісторыі змагла скласці кантракт і дамовіцца паміж кампаніямі самастойна без удзелу чалавека. Ад людзей патрабаваўся толькі подпіс выніковых пагадненняў, перадае агенцтва CNBC.
Брытанская IT-фірма Luminance прадэманстравала свой новы штучны інтэлект пад назвай Autopilot — пераважна юрыдычную нейрасетку, здольную хутка аналізаваць і ўносіць змены ў працоўную дакументацыю, а таксама знаходзіць эфектыўнае і аптымальнае вырашэнне супярэчнасцей.
Autopilot быў выпрабаваны пры эксперыментальных перамовах паміж кампаніяй Luminance і яе кліентам, кампаніяй Prosapient, якая таксама выкарыстоўвала Autopilot.
«Усё доўжылася лічаныя хвіліны. Дзве нейрасеткі пад назіраннем людзей самастойна склалі поўны кантракт, хутка дасягнуўшы кансэнсу па многіх момантах, уключаючы пункт аб неразгалошванні, абмеркаванне якога ў юрыдычных каманд звычайна займае 80% іх часу.
Штучны інтэлект Autopilot выдатна разумее і адаптуецца пад любы бізнэс. Яго выкарыстанне дазволіць значна разгрузіць юрыстаў ад руціннай дакументацыі», — распавяла агенцтву CNBC выканаўчая дырэктарка кампаніі Luminance Джэгер Глюкіна.
Акрамя таго, па словах Джэгер, Autopilot не падобны да іншых папулярных і буйных нейрасетак, накшталт ChatGPT, Dall-E і г. д., бо ён спецыяльна распрацаваны для юрыдычных аперацый, а астатнія з'яўляюцца больш універсальнымі і неспецыялізаванымі платформамі.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары