У Польшчы «зайца» выгналі з цягніка. Ëн скраў аўтобус, каб даехаць дадому
У суботу, 4 лістапада нехта скраў аўтобус са стаянкі ў польскім горадзе Лембарк.
Супрацоўнікі вакзала крадзеж заўважылі толькі ў нядзелю ранкам. Праз некаторы час паліцыя знайшла аўтобус у Гдыні. За рулём сядзеў 22-гадовы жыхар гэтага горада. Паліцэйскія канфіскавалі скрадзены аўтобус і затрымалі злодзея.
З матэрыялаў справы вынікае, што ў мінулую суботу мужчына ехаў цягніком са Свідвіна ў Гдыню. Познім вечарам яго высадзілі на станцыі ў Лембарке, бо ў яго не было квітка. Таму ён вырашыў дабрацца да свайго горада іншым шляхам і скраў аўтобус.
Гэта ўжо не першая спроба мужчыны скрасці аўто. Раней ён спрабаваў скрасці грузавік Scania, але беспаспяхова. А затым — цягач MAN, і на гэты раз паспяхова. Паездка завяршылася таксама ў Гдыні пад вартай паліцыі.
Цяпер мужчыне пагражае да 10 гадоў пазбаўлення волі.
Каментары