Мацвей Купрэйчык у новым выпуску ТОК: пра бардэлі, Чамаданаву, пляменніка Шуневіча і таемнага кадэбіста ў BYPOL
Прадстаўнік Белпола Мацвей Купрэйчык даў вялікае інтэрв'ю ТОК, у якім распавёў пра сутнасць канфлікту ў BYPOL і тое, ці замяшаны тут высокапастаўлены экс-супрацоўнік КДБ, які далучыўся да аб'яднання адным з апошніх.
Падзяліўся інсайдамі з часоў працы ў аддзеле нораваў, у тым ліку ці ёсць у Мінску бардэлі, якія клубы аблюбавалі «начныя матылькі» і як вёў справу сутэнёра-амапаўца.
Распавёў пра Акадэмію МУС, дзе вучыўся разам з сынам міністра ўнутраных спраў Івана Кубракова і пляменнікам экс-міністра Ігара Шуневіча. І, акрамя гэтага, паразважаў пра тое, чаму экс-сілавікі, якія падтрымалі пратэст, заўсёды ў белым паліто і што трэба змяніць у міліцыі.
00:00 — вырвана з кантэксту
00:32 — бацька адгаворваў ісці ў міліцыю
01:48 — «У Акадэміі ў цябе два жаданні: спаць і есці»
06:21 — як прамываюць мазгі ў Акадэміі МУС
08:17 — «пры чым тут Лукашэнка да маёй працы?»
11:13 — пра выкладчыкаў у Акадэміі МУС
13:00 — хто вучыць круціць людзей ластаўкай
14:32 — Як працуе АМАП і Алмаз на затрыманнях
16:02 — пра прыніжэнні ў міліцыі
17:52 — «Калі людзей б'юць — гэта ненармальна»
20:21 — у Акадэміі МУС мы ўсе пагалоўна гулялі ў «Танкі»
21:13 — «Нехту» чыталі ўсе супрацоўнікі»
22:26 — як трапіў на працу ў аддзел нораваў
30:23 — пра заробкі ў міліцыі і ў Белполе
31:20 — калі вырашыў сысці з міліцыі
33:45 — пра ператрусы ў сваякоў
39:50 — як утварыўся Байпол
42:01 — як губазікаўцы тапталі міліцэйскую форму
43:49 — пра сына міністра Кубракова, з якім вучыўся ў Акадэміі
45:39 — за што знялі Караева і чаму на чале пракуратуры паставілі Шведа
46:20 — пра пляменніка Ігара Шуневіча
49:22 — чаму Карпянкоў так шчыраваў
50:09 — пра грамат ад АМАПа
51:36 — чаму Вольгу Чамаданаву скінулі
53:34 — у каго з сілавікоў рэальна сталёвыя яйкі
54:00 — папярэдзіў экс-калегу пра праслухоўванне — той пайшоў у КДБ
56:39 — чаму так шмат п'юць і мацюкаюцца ў міліцыі
1:00:58 — стаўленне да жанчын у сілавых структура
1:01:30 — службовую форму хаваў у «Акіяне»
1:03:02 — якую інфармацыю прыносіла агентка «Ламбада»
1:08:06 — «У Беларусі сутэнёры — часцей за ўсё таксісты»
1:11:11 — ці трэба было прыцягнуць да адказнасці Гайдукевіча за дыкпік
1:12:05 — ці мог адбыцца раскол у BYPOL праз супрацоўніка КДБ
1:14:31 — пра праверкі на паліграфе
1:15:48 — чаму экс-сілавікі заўсёды ў белым паліто
1:17:21 — пра палітычную справу, якую даручылі Купрэйчыку
1:18:39 — пераходзяць на бок дэмсіл прыстасаванцы
1:21:21 — чаму падтрымлівае легалайз
1:23:07 — «на мяжы з Расіяй павінен быць плот»
1:23:59 — «за Лукашэнку ніхто паміраць не хоча»
1:28:00 — што б змяніў у міліцыі
1:30:49 — калі сілавікі загавораць на беларускай мове
1:32:17 — з чым звязвае перамены ў Беларусі
Каментары
Абмяркоўвачы працу Ламбады, Купрэйчык па сутнасці лічыць мэтазгоднай працу прастытутак калі яны даюць паліцыі каштоўную інфармацыю напрыклад аб дзейнасці наркадылераў. То бок па сутнасці дазваляецца здейсняць меней небяспечныя правапарушэнні ў інтарэсах перадухілення больш цяжкіх. Гэта сапраўды норма КК, але яна не прадугледжвае сістэмнасці і тым больш саўдзелу ў ёй праваахоўных органаў бо інакш наўпрост стварае паліцэйскі дах для правапарушальнікаў і карупцыйную глебу.
Гэта нагадвае ў вельмі залагоджаным выглядзе словы Макара аб тым, што ў пачатку 2000х супрацоўнікаў САХР мэтанакіравана прывозілі ў калёніі для трэніравання праз збіццё асуджаных (по сутнасці - для катаванняў неабароненых людзей), але Макар апраўдвае гэта тым, маўляў гэта былі крымінальнікі з вельмі цяжкімі артыкуламі.
Спадару Купрэйчыку было б варта асудзіць практыку закрыцця вочаў на прастытуцыю ўзамен на інфармацыю і ў ідэяле дадаць, што лепей было б увогуле спыніць лічыць прастытуцыю правапарушэннем і легалізаваць яе кшталту таго, як гэта зроблена ў
Нідэрландах - прынамсі гэта знізіла б узровень наркатычнай злачыннасці. Тым больш што ён выказаўся за легалайз.