Хлопца, які замест таго, каб ісці ў армію, падаўся ў мадэлі ў Карэі, вырашылі строга не караць
Вынеслі прысуд 20-гадоваму мінчуку, якога абвінавачвалі ва ўхіленні ад мерапрыемстваў па прызыве на вайсковую службу, пішуць Мінск-навіны.
Малады чалавек быў прызыўніком. У лістападзе 2021 г. яму далі адтэрміноўку, бо ён паступіў ва ўніверсітэт на дзённую форму навучання. У 2023 г. хлопца адлічылі з ВНУ з-за непаспяховасці і прагулаў, пра што адміністрацыя навучальнай установы апавясціла вайсковы камісарыят Цэнтральнага раёна.
У маі яму ўручылі позву аб праходжанні медыцынскага агляду, але ён туды не з'явіўся. Таксама без паважных прычын у прызначаны час юнак не прыйшоў і ў ваенкамат, нягледзячы на тое, што быў азнаёмлены пад подпіс аб крымінальнай адказнасці, а з'ехаў амаль на тры месяцы ў Паўднёвую Карэю працаваць мадэллю.
У дачыненні да маладога чалавека распачалі крымінальную справу. Віну ў інкрымінаваным яму злачынстве ён цалкам прызнаў, у зробленым раскаяўся.
Але вырак дастаткова мяккі. Хлопцу пагражала да двух гадоў калоніі, але суд, прызнаўшы яго вінаватым у здзяйсненні злачынства, прадугледжанага ч. 1 арт.435 КК («ухіленне ад мерапрыемстваў па прызыву на вайсковую службу»), прызначыў пакаранне ў выглядзе грамадскіх работ на 360 гадзін.
Што праўда, прысуд не ўступіў у сілу, можа быць абскарджаны і апратэставаны ва ўстаноўленым законам парадку.
Мінабароны папярэдзіла беларусаў пра «адміністрацыйку» за няправільна пададзены нумар тэлефона
«Верхняя пятля правай часткі варот адарвалася, і вароты ўпалі на старшага лейтэнанта». Belpol даведаўся пра будні «12-й арміі свету»
Позва па SMS — юрысты тлумачаць, што хочуць змяніць у законе. Ёсць важныя моманты
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары