У Брэсце вырасцілі такі вялізны гарбуз, што не ведаюць, як адвезці на кірмаш
Біёлаг Віктар Дзямешка ўжо не першы год вырошчвае велізарныя гарбузы, але сёлетні б'е ўсе рэкорды. Ён важыць каля паўтоны, і пра яго ўжо раней пісалі. А цяпер ягоны гаспадар сутыкнуўся з сапраўднай праблемай, піша «Ганцавіцкі час».
Віктар вядзе блогі ў тыктоку і ютубе, дзе можна глядзець, як у яго расце гэты гарбуз і іншая гародніна. Смакам, як кажа Дзямешка, ягоныя гарбузы нічым не адрозніваюцца ад звычайных, а іх сакрэт у гатунку — «Атлантычны гігант». Такі гарбуз можа дадаваць па 50 кілаграмаў на тыдзень.
14 кастрычніка 2023 года Віктар Дзямешка зняў чарговы ролік, у якім паказаў, які гарбуз цяпер вялізны і звярнуўся да ўладаў з незвычайнай просьбай.
«Гэта зварот да кіраўніцтва горада Брэста. Калі ёсць такая магчымасць, каб гарбуз перавезлі на кірмаш і паказалі ўсім жыхарам Брэста. Тым больш, у 2018 годзе мы ўжо гэта рабілі», — сказаў Віктар.
Цяжкасці ў тым, што для перавозу гарбуза вагой у паўтоны відавочна спатрэбіцца кран. Затое, маўляў, які экспанат будзе на кірмашы, колькі сэлфі зробяць гараджане з самым вялікім гарбузом Брэста.
У каментарах людзі дзівяцца з памеру, не вераць, што ён вырашчаны без хіміі. А некаторыя просяць «хоць пяць семак». Іншыя агароднікі кажуць, што ў іх самыя буйныя 15-30 кілаграмаў.
Насамрэч гіганцкія гарбузы бываюць яшчэ большымі. Напрыклад, гарбуз амерыканскага фермера з Мінесоты Трэвіса Гінгера трапіў у Кнігу рэкордаў Гінеса, яго вага склала 1246 кілаграмаў.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2727
Каментары