U Breście vyraścili taki vializny harbuz, što nie viedajuć, jak advieźci na kirmaš
Bijołah Viktar Dziamieška ŭžo nie pieršy hod vyroščvaje vielizarnyja harbuzy, ale sioletni bje ŭsie rekordy. Jon važyć kala paŭtony, i pra jaho ŭžo raniej pisali. A ciapier jahony haspadar sutyknuŭsia z sapraŭdnaj prablemaj, piša «Hancavicki čas».
Viktar viadzie błohi ŭ tyktoku i jutubie, dzie možna hladzieć, jak u jaho raście hety harbuz i inšaja harodnina. Smakam, jak kaža Dziamieška, jahonyja harbuzy ničym nie adroźnivajucca ad zvyčajnych, a ich sakret u hatunku — «Atłantyčny hihant». Taki harbuz moža dadavać pa 50 kiłahramaŭ na tydzień.
14 kastryčnika 2023 hoda Viktar Dziamieška źniaŭ čarhovy rolik, u jakim pakazaŭ, jaki harbuz ciapier vializny i źviarnuŭsia da ŭładaŭ ź niezvyčajnaj prośbaj.
«Heta zvarot da kiraŭnictva horada Bresta. Kali jość takaja mahčymaść, kab harbuz pieravieźli na kirmaš i pakazali ŭsim žycharam Bresta. Tym bolš, u 2018 hodzie my ŭžo heta rabili», — skazaŭ Viktar.
Ciažkaści ŭ tym, što dla pieravozu harbuza vahoj u paŭtony vidavočna spatrebicca kran. Zatoje, maŭlaŭ, jaki ekspanat budzie na kirmašy, kolki sełfi zrobiać haradžanie z samym vialikim harbuzom Bresta.
U kamientarach ludzi dziviacca z pamieru, nie vierać, što jon vyraščany biez chimii. A niekatoryja prosiać «choć piać siemak». Inšyja aharodniki kažuć, što ŭ ich samyja bujnyja 15-30 kiłahramaŭ.
Nasamreč hihanckija harbuzy byvajuć jašče bolšymi. Naprykład, harbuz amierykanskaha fiermiera ź Miniesoty Trevisa Hinhiera trapiŭ u Knihu rekordaŭ Hiniesa, jaho vaha skłała 1246 kiłahramaŭ.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta13
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary