«Адзін з апошніх варыянтаў у раёне рэспектабельнай забудовы». Якія ўчасткі прадаюць у межах Мінска
Паглядзелі, якія ўчасткі можна купіць пад прыватную забудову ў межах МКАД. Ёсць варыянты каля Свіслачы і ў Драздах.
Побач з Нацыянальнай бібліятэкай
За 297 000 даляраў выстаўлены на продаж участак памерам 9,5 соткі па вуліцы Цяплічнай, што непадалёк ад Нацыянальнай бібліятэкі.
Гэты кавалак сталічнай зямлі прадавец называе адным з апошніх свабодных участкаў у раёне рэспектабельнай катэджнай забудовы Мінска.
Першая лінія вадасховішча Дразды
У 279 900 даляраў ацэнены ўчастак ў Драздах. Плошча ўсяго 5,3 соткі. Знаходзіцца ён ля першай берагавой лініі Дуброўскага вадасховішча.
Калі верыць апісанню, то ад краю ўчастка да вадасховішча ўсяго 60 метраў.
Зноў Дразды
Яшчэ адзін участак непадалёк ад вадасховішча Дразды прадаецца па адрасе завулак Ржавецкі, 20. На ўчастку памерам 10 сотак стаіць дом, які, па ўсёй бачнасці, не мае вялікай каштоўнасці, бо прадаецца аб'ект як участак зямлі.
Просяць за яго 275 тысяч даляраў. Усе камунікацыі цэнтральныя. Рэальны торг магчымы пры аглядзе аб'екта — гаворыцца ў апісанні.
Участак з паловай дома
Адзін з нешматлікіх участкаў непадалёку ад цэнтра — 10 сотак па 4-м загарадным завулку — ацэнены ў 112 тысяч даляраў.
На ўскрайку ўчастка стаіць палова старога драўлянага дома. Але як месца для жылля прадавец яго не рэкламуе, а толькі адзначае, што пасля ўзвядзення новага дома яго можна выкарыстоўваць для розных мэтаў.
На беразе Свіслачы
На вуліцы Шэйпічы, што ідзе ўздоўж ракі Свіслач, за 85 тысяч даляраў прадаецца ўчастак памерам амаль 13 сотак.
Як вынікае з апісання, сярод выгод цывілізацыі там толькі электрычнасць. Участак не газіфікаваны, цэнтральнага водаправода і каналізацыі таксама няма.
«Знаходзіцца ў вельмі маляўнічым месцы, побач з домам цячэ рака Свіслач. Па вуліцы ўсяго некалькі жылых дамоў, добры пад'язны пуць», — гаворыцца ў апісанні.
Тэрміновы продаж
Адзін з самых танных кавалкаў сталічнай зямлі з выстаўленых на продаж — участак па вуліцы Багдановіча.
За 5 сотак зямлі разам з падмуркам памерам 9х9 і дазволам на рэканструкцыю просяць 36 тысяч даляраў. Сама зямля знаходзіцца ў прыватнай уласнасці, што бывае даволі рэдка. У аб'яве пазначана, што ўчастак у закінутым стане, а продаж — тэрміновы.
Эксперты рынку нерухомасці назвалі найлепшы час для куплі лецішча
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Шэйпічы сапраўды вельмі маляўнічае месца. было. шкада рачулку нашу( шкада зялёную зону