Трох чалавек з Нароўлі судзілі за тое, што не ўсталі на выпускным вечары пад дзяржаўны гімн
На ўрачыстай частцы выпускнога вечара ў адной з нараўлянскіх школ давялося прысутнічаць мясцоваму жыхару Максіму Галавацкаму і яго сябрам. У момант, калі выконваўся дзяржаўны гімн Беларусі, ён і яшчэ два чалавекі засталіся сядзець на сваіх месцах.
Як піша «Гомельская Вясна», правапарушэнне было настолькі сур'ёзным, што пільнае вока праваахоўнікаў гэта заўважыла і, замест прафілактычнай гутаркі, супрацоўнікі Нараўлянскага РАУС паспяшаліся скласці адміністрацыйныя пратаколы на «злосных парушальнікаў правапарадку».
Правабаронцам стала вядома, што 2 жніўня ў суддзе Нараўлянскага раёна суддзя Ваўрантовіч Аляксандр разглядаў адміністрацыйную справу 25-гадовага Максіма Галавацкага па артыкуле 24.54 КаАП РБ «Незаконныя дзеянні ў дачыненні да дзяржаўных сімвалаў».
Вядома, што да адміністрацыйнай адказнасці былі прыцягнутыя і яго сябры. Пастанова суда пакуль невядомая, як і невядома, ці адбыўся разгляд спраў, заведзеных на яго сяброў.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары