Узяты пад варту генеральны дырэктар Мінскага аптовага рынку
Cправа па ч. 2 арт. 430 Крымінальнага кодэкса (атрыманне хабару) распачата пракуратурай Фрунзенскага раёна Мінска ў дачыненні да генеральнага дырэктара камунальнага унітарнага прадпрыемства «Мінскі аптовы рынак». Ён узяты пад варту.
Кіраўніку рынка прад’яўлена абвінавачанне ў атрыманні хабару ў памеры 8 тыс. даляраў ад прадстаўніка прыватнага унітарнага прадпрыемства за станоўчае вырашэнне пытання аб падпісанні і наступнай аплаце актаў выкананых работ.
Крымінальная справа была распачата 3 снежня.
Факт распачынання справы і ўзяцця пад варту гендырэктара рынка БелаПАН пацвердзіў старшы памочнік пракурора Мінска Сяргей Балашоў.
Каментары