«Чалавек складанага лёсу, і памылкі ў яго былі сур'ёзныя ў жыцці». Пуцін выказаў шматслоўныя спачуванні сям'і Прыгожына
Прэзідэнт Расіі Уладзімір Пуцін праз суткі пасля катастрофы самалёта «Эмбраер» у Цвярской вобласці, падчас якой, як мяркуецца, загінуў заснавальнік ПВК «Вагнер» Яўген Прыгожын разам з паплечнікамі, крыху выказаўся пра яго.
Пуцін выказаў спачуванне сем'ям загінулых і згадаў пра сваё ўласнае знаёмства з Прыгожыным:
«Прыгожына я ведаў вельмі даўно, з пачатку 90-х гадоў. Гэта быў чалавек складанага лёсу, і памылкі ў яго былі сур'ёзныя ў жыцці, і дасягаў ён вынікаў патрэбных. І для сябе, і тады, калі я прасіў яго пра гэта для агульнай справы, як вось у гэтыя апошнія месяцы».
Ён назваў Прыгожына «таленавітым бізнэсменам», які працаваў і за межамі Расіі, у прыватнасці ў Афрыцы:
«Займаўся там нафтай, газам, каштоўнымі металамі і камянямі. Вось ён учора толькі, наколькі мне стала вядома, вярнуўся з Афрыкі. Сустракаўся тут з некаторымі афіцыйнымі асобамі. Але што абсалютна дакладна, мне пра гэта дакладваў сёння з раніцы кіраўнік Следчага камітэта. Яны пачалі ўжо папярэдняе расследаванне гэтага здарэння».
Адносна ж вагнераўцаў Пуцін сказаў:
«Гэта людзі, якія ўнеслі істотны ўклад у нашу агульную справу барацьбы з неанацысцкім рэжымам ва Украіне. Мы пра гэта памятаем, ведаем і не забудзем».
Чытайце таксама:
З'явілася яшчэ адна версія выбуху ў самалёце Прыгожына
«Пуцін не даруе». Аналітыкі пра інцыдэнт з Прыгожыным і будучыню вагнераўцаў у Беларусі
Каментары