Міністарка ўнутраных спраў Літвы Агне Білатайце сказала, што пасля таго як у пятніцу закрыліся два КПП на мяжы з Беларуссю, будуць абмяркоўваць далейшыя сцэнары пагроз, піша Delfi.
«Сёння ў нас была нарада з кіраўніком Службы аховы дзяржаўнай мяжы Літвы Рустамасам Любаевасам і ўсёй камандай. Мы абмеркавалі не толькі закрыццё мяжы з Беларуссю, але і іншыя магчымасці, г. зн. закрыццё межаў з РФ», — сказала міністр. Па словах Білатайце, пакуль незразумела, ці будзе мяжа з Калінінградскай вобласцю закрытая аўтаматычна ў выпадку поўнага закрыцця мяжы з Беларуссю.
«Нейкіх рэальных пагроз цяпер няма, але мы бачым, магчымасць пэўных рызык, правакацый», — сказала міністр.
«Калі ёсць такія суседзі — беларускі рэжым, расейскі рэжым — — пагрозы ёсць, мы павінны з імі неяк жыць. Мы — частка НАТА і шмат інвестуем у нашу абарону, наша грамадства павінна адчуваць, што будзе каму аказаць дапамогу», — дадала міністр.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары