Зрынутага прэзідэнта Нігера трымаюць у ізаляцыі, ён харчуецца сухім рысам і макаронаю
Махамед Базум, як і многія жыхары Нігера, ужо тыдзень жыве без электрычнасці.
У сваіх кароткіх паведамленнях Базум заявіў, што «пазбаўлены ўсіх кантактаў», ніхто не дае яму нармальнай ежы і лекаў, піша CNN.
Ён, як і многія жыхары Нігера, ужо тыдзень жыве без электрычнасці.
Таксама ў сеціве з'явіліся кадры прагулкі прэзідэнта пад канвоем вайскоўцаў.
Махамед Базум быў затрыманы ў прэзідэнцкім палацы 26 ліпеня, пазней адзін з верхаводаў перавароту генерал Чыяні абвясціў сябе новым лідарам краіны.
Захоп улады вайскоўцамі быў асуджаны на міжнародным узроўні, у тым ліку Францыяй і іншымі краінамі ЕС, а таксама ААН і ЗША.
Францыя таксама прыпыніла дапамогу Буркіна-Фасо, улады якой падтрымалі мяцежнікаў разам з Малі.
У нядзелю, 6 жніўня, тысячы прыхільнікаў перавароту сабраліся на стадыёне імя генерала Сэйні Кунчэ ў сталіцы краіны Ніямеі.
Многія прыйшлі на стадыён з расійскімі сцягамі, хоць сама Расія пераварот раней асудзіла.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку46
Каментары