Палітзняволеную Паліну Шарэнду-Панасюк вярнулі ў калонію №24 у Зарэччы. Таксама стала вядома, што расследаванне новай крымінальнай справы ў дачыненні да яе завершана.
Раней пра месцазнаходжанне Паліны было невядома каля месяца.
«Але сёння стала дакладна вядома, што Паліна знаходзіцца ў ПК №24 (Зарэчча). А таксама стала вядома, што следства па новай крымінальнай справе па арт. 411 скончылася. Днямі Паліну і адваката азнаёмяць з матэрыяламі справы. Справу перададуць у пракуратуру, а пазней у суд. А Паліна ўжо на гэтым тыдні будзе пераведзена ў СІЗА да суда», — напісаў у фэйсбуку муж Паліны Андрэй Шарэнда.
Паліну Шарэнду-Панасюк затрымалі на пачатку студзеня 2021 года і асудзілі на два гады пазбаўлення волі, абвінаваціўшы ва ўжыванні гвалту ў дачыненні да міліцыянтаў і іх абразе, а таксама ў абразе Аляксандра Лукашэнкі. На волю яна мелася выйсці летам мінулага года.
Але летась яе асудзілі па арт. 411 КК да яшчэ аднаго года калоніі. У красавіку 2023 года супраць жанчыны завялі ўжо новую справу — за «злоснае непадпарадкаванне адміністрацыі калоніі».
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары