Беларускія красоверы ад «БелДжы» з'явіліся ў аўтасалонах. Па якой цане?
Першая партыя беларускіх красовераў BG X50, якія замянілі на лініі завода «БелДжы» ўжо вядомыя Geely Coolray, з'явілася ў беларускіх аўтасалонах. Office Life даведалася ў дылераў, колькі яны каштуюць.
Кошт новага красовера стартуе ад 63 тыс. рублёў за аўтамабіль з 1,5-літровым бензінавым маторам у камплектацыі Standart і даходзіць да амаль 75 тыс. за самую дарагую камплектацыю, распавялі Office Life дылеры.
Па такой жа самай цане ў Беларусі раней прадавалі і Coolray.
У прынцыпе, BelGee X50 — гэта і ёсць ранейшы Coolray, але з іншымі назвай і лагатыпам. На рашотцы радыятара аўтамабіля цяпер усталяваная эмблема «БелДжы», на вечку багажніка буйны надпіс GEELY замяніла BELGEE.
Далей у канструкцыі мадэлі абяцаюць прымяняць больш камплектуючых беларускай вытворчасці.
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць6
Каментары