У нядзелю, 30 ліпеня, ганаровыя сябры ЧынЧынЧанэл Сяргей Мікалаевіч і Мікалай Сяргеевіч запрашаюць беларусаў Варшавы паглядзець вялікі фільм пра сябе любімых «ЧынЧыны праляцелі кукушкай», паведамляе тэлеграм-канал «Будзьма разам».
Паводле сюжэта Сяргей Мікалаевіч і Мікалай Сяргеевіч прыбываюць у Лядскую псіхіятрычную лякарню №1, каб наведаць загадкавую пацыентку, Алену ЖалудOk. Нішто не вяшчуе неспадзяванак, аднак…
Вось вам цытаты першых асоб, якія паглядзелі фільм:
«Пасля прагляду прараніў скупую дзяржаўную слязу».
«Ужо паднята пытанне пра ўзнагароджанне аўтараў ордэнамі і далучэнне дадзенага фільма ў школьную праграму».
То і вы прыходзьце прараніць сваю слязу.
Фільм пакажуць аўтары праекта «ЧынЧынЧанэл» — акцёры Міхась Зуй і Алена Зуй-Вайцяхоўская, рэжысёр Андрэй Кашперскі і іншыя.
У вас будзе магчымасць пазнаёміцца з імі асабіста, атрымаць аўтографы і заўвагі з занясеннем у асабістую справу, набыць ідэалагічна правільныя налепкі і бадзёры настрой на ўвесь працоўны тыдзень, а таксама пачуць ужывую ўсе хіты ўзыходзячай зорачкі беларускай эстрады Алены ЖалудOk!
Уваход — данат ад 25 злотых.
- Дата: 30 ліпеня
- Час: уваход — з 20:30, пачатак — 21:00 (час мясцовы)
- Месца: Музей вольнай Беларусі, Foksal, 11, Варшава
-
Рэстаўратары аднаўляюць знакаміты жыровіцкі іканастас. Але ў гістарычным колеры ў манастыры яго наўрад ці пабачаць
-
Пабялілі ўсё, да чаго змаглі дацягнуцца. У касцёле ў Жупранах, дзе пахаваны Багушэвіч, зрабілі еўрарамонт
-
Мінкульт пазбавіў статусу помніка архітэктуры згарэлую царкву ў Сцяпанках. Каб не аднаўляць?
Цяпер чытаюць
Ці закрыюць Еўропу для беларусаў? Дарадца Ціханоўскай распавёў, пра што дамовіўся ў Берліне13
Каментары