У твітары разляцеўся радасны пост мужчыны, які прайшоў праз вазэктамію. Латвійскі блогер Раман @Roman_of_Spades апісвае свой стан як «вельмі шчаслівы», але шматлікіх каментатараў яго допіс абурыў.
Раман — круп’е, працуе на круізных лайнерах. Звычайна ён расказвае ў твітары гісторыі пра мора, казіно і падарожжы, але нядаўна вырашыў падзяліцца чымсьці больш асабістым — гісторыяй сваёй вазэктаміі. Так называюць аперацыю, падчас якой у мужчын перавязваюць або выдаляюць фрагмент семявыводных пратокаў. У выніку мужчына губляе здольнасць мець дзяцей, але ў яго захоўваецца магчымасць весці палавое жыццё. То-бок вазэктамія — гэта радыкальны спосаб вырашыць пытанне кантрацэпцыі, аперацыя ў нечым падобная да перавязвання матачных труб у жанчын.
На такую працэдуру і рашыўся блогер. Чытачоў ён запэўніў, што даўно хацеў зрабіць вазэктамію і яго будучая жонка яго цалкам падтрымлівае, у выніку «ў нас не будзе дзяцей, толькі каханне». Аперацыя ў Латвіі абышлася Раману ў 553 еўра: 322 еўра каштавала сама вазэктамія, 190 — агульны наркоз, 41 еўра — палата ў бальніцы на дзень. Блогер адзначыў, што пасля аперацыі яму яшчэ і прынеслі паесці: Раман атрымаў боршч, катлету з бульбай, салату і кампот.
Ну вот и все, я поехал на операцию делать вазэктомию, давно хотел и моя будущая жена меня полностью поддерживает, у нас не будет детей, только любовь. ✌️☮️ pic.twitter.com/xRq4MADxvz
Да аперацыі пасты мужчыны набіралі збольшага па 10—20 тысяч праглядаў, але публікацыі, звязаныя з вазэктаміяй, б’юць рэкорды папулярнасці. У паста пра тое, што Рамана чакае такая працэдура, больш за мільён праглядаў і 826 каментароў, у публікацыі пра тое, што працэдура скончылася, — больш за 255 тысяч праглядаў і 203 каментары.
Сярод каментатараў знайшліся тыя, хто падтрымаў Рамана (хоць і не ўсе ўсур'ёз). Людзі зычылі яму поспехаў, а таксама адзначалі, што з яго боку вельмі пахвальна ўзяць на сябе адказнасць за кантрацэпцыю ў пары.
З іншага боку, хапала і такіх каментатараў, хто крытыкаваў мужчыну.
Трэцяя катэгорыя каментатараў проста не ведала, як рэагаваць на адмову маладога блогера мець дзяцей.
Як потым адзначыў сам Раман, пасля вазэктаміі ўсё-такі можна мець дзяцей. Для гэтага трэба скарыстацца метадам ЭКА або ўсынаўленнем, ёсць і зваротная аперацыя. Удакладнім, што яна зусім не гарантуе станоўчага эфекту: калі зрабіць аперацыю цягам 10 гадоў пасля вазэктаміі, шансы на поспех складаюць 55%, а потым і ўвогуле зніжаюцца да 25%.
«Наша Нiва» — бастыён беларушчыны
ПАДТРЫМАЦЬ«Правіла пяці хвілін». Беларусы расказалі, як зліваюцца са спаткання, калі яно не падабаецца
Пасля аргазму (асабліва разам) лепш спіш, цяпер афіцыйна
Студэнтка прааналізавала, як пратэсты паўплывалі на сэксуальнае жыццё беларусаў
Цяпер чытаюць
«Вітольд казаў: «Ну што вы, што вы…» А мянты пасля крычалі пра мора крыві». Палітвязень з суседняй камеры расказаў пра смерць Ашурка3
Каментары
Хіба можа голас стане тоненькім, то ў касьцёле сьпяваць можна будзе, людзям радасьць прыносіць.
гэта сапраўды рэдкая з'ява