Зяленскі афрыканцам: Ніякіх перамоў, пакуль расійскія войскі на ўкраінскай зямлі, не будзе
Прэзідэнт Украіны Уладзімір Зяленскі заявіў, што мірныя перамовы з Расіяй магчымыя толькі пасля поўнага вываду расійскіх войскаў з акупаваных тэрыторый. Гэтыя словы прагучалі на прэс-канферэнцыі ў Кіеве пасля перамоў з дэлегацыяй лідараў краін Афрыканскага саюза, паведамляе «Украінская праўда».
«Сёння я выразна неаднаразова сказаў на нашай сустрэчы — дапусціць любыя перамовы з Расіяй зараз, калі акупант на нашай зямлі, — гэта значыць замарозіць вайну, замарозіць боль і пакуты…
Расія доўга спрабавала падмануць усіх з «Мінскам». Відавочна, што Расія спрабуе цяпер вярнуцца да сваёй старой прымітыўнай тактыкі падману. Але падмануць свет Расіі больш не ўдасца. Падмануць Украіну дакладна немагчыма.
Яшчэ раз падкрэслю: патрэбны рэальны мір, а значыць — рэальны вывад расійскіх войскаў з усёй нашай незалежнай зямлі», — выразна зазначыў Зяленскі.
Што да пытання паставак збожжа і іншых прадуктаў з Украіны, якое найбольш цікавіць афрыканскіх лідараў, то тут ён адзначыў:
«Пастаўка прадуктаў харчавання павінна быць надзейна гарантаваная, а права кожнага чалавека на ежу павінна быць забяспечана спыненнем любых спробаў такіх дзяржаў, як Расія, выкарыстоўваць пагрозу голаду і сацыяльнай нестабільнасці для шантажу народа».
Чытайце таксама:
Вось чаму прапанова краін Афрыкі дае вялікую надзею Беларусі
Афрыканскія краіны прапануюць Украіне і Расіі спіс умоваў для перамоў. Там згадваецца і Беларусь
Зяленскі: Калі контрнаступ будзе паспяховым, Расія прайграе вайну
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары