Перачапляць прычэпы будзе нельга, але перагружаць грузы яшчэ можна — Мытны камітэт
Дзяржаўны мытны камітэт Беларусі пракаментаваў інфармацыю пра тое, што з 1 чэрвеня Польшча ўвядзе поўную забарону на перамяшчэнне праз беларуска-польскую мяжу ўсіх відаў беларускіх і расійскіх грузавых аўтатранспартных сродкаў, у тым ліку прычэпаў і паўпрычэпаў.
Паводле беларускіх мытнікаў, новаўвядзенне польскага боку сапраўды забараняе суб'ектам гаспадарання Еўрапейскага саюза рабіць перачэпку беларускіх і расійскіх транспартных сродкаў.
У той жа час перагрузка тавараў пакуль застанецца актуальнай, толькі што гэтая аперацыя патрабуе больш выдаткаў — як матэрыяльных, так і часавых.
І гэта, маўляў, яшчэ больш пагоршыць становішча еўрапейскага бізнэсу. Затое беларуская мытня «працягне прымаць усе магчымыя меры для садзейнічання развіццю знешнеэканамічнай дзейнасці».
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары